നെഹ്റുവും ഇന്ദിരാ ഗാന്ധിയും തുടര്‍ച്ചയായി യോഗ ചെയ്യുമായിരുന്നുവെന്നും എന്നാല്‍ പിന്തുടര്‍ച്ചക്കാര്‍ അത് ശീലമാക്കാത്തതാണ് അധികാര വഴിയില്‍ നിന്ന് നിഷ്‌കാസിതരാവാന്‍ കാരണമെന്ന് രാംദേവ്.
യോഗ ചെയ്യുന്നവരെ നേരിട്ട് ഈശ്വരന്‍ അനുഗ്രഹിക്കുമെന്നും മഹാരാഷ്ട്രയില്‍ യോഗ ദിനത്തോടനുബന്ധിച്ച ചടങ്ങില്‍ രാംദേവ് പറഞ്ഞു. ജവഹര്‍ലാല്‍ നെഹ്റുവും ഇന്ദിരാ ഗാന്ധിയും വീട്ടില്‍ തുടര്‍ച്ചയായി യോഗ ചെയ്തിരുന്നു.
പ്രധാനമന്ത്രി നരേന്ദ്ര മോദിയും യോഗ പൊതുവേദിയില്‍ ചെയ്യുന്ന ആളാണ്. ഇത് ഇന്ത്യയുടെ പ്രാചീനമായ ആചാരത്തിന് പ്രാധാന്യം കൊടുത്തു. എന്നാല്‍ ഇന്ദിരാ ഗാന്ധിക്ക് ശേഷം പിന്നീട് വന്ന ആളുകള്‍ ആ പാരമ്പര്യം നില നിര്‍ത്തുന്നതില്‍ പരാജയപ്പെട്ടു. അതോടെ അധികാരത്തില്‍ നിന്നും അവര്‍ ഒഴിവാക്കപ്പെട്ടു- രാം ദേവ് പറഞ്ഞു.