മലയാളികളുടെ ഇടയില്‍നിന്നും നൂറുപേരെയെടുത്താല്‍ അതില്‍ എത്ര വഴക്കാളികളുണ്ടോ എത്ര പൊട്ടന്‍ഷ്യല്‍ ക്രിമിനല്‍സ് ഉണ്ടോ അത്രതന്നെയേ അന്യസംസ്ഥാന തൊഴിലാളികളുടെയും ഇടയിലുമുള്ളൂ. പല മലയാളികളേക്കാളും സത്യസന്ധരേയും നിഷ്‌കളങ്കരെയും അക്കൂട്ടത്തില്‍ കാണാം. അതുകൊണ്ട് വെറുതെ കേറി ആരുമങ്ങ് വിധിക്കരുത്. നിങ്ങള്‍ എത്ര തടയാന്‍ ശ്രമിച്ചാലും ഇവിടെ ജോലി ഒഴിവുള്ള കാലത്തോളം അവര്‍ വന്നുകൊണ്ടേ ഇരിക്കും. നിങ്ങളുടെ ആഗ്രഹംപോലെ എല്ലാവരെയും അടിച്ചോടിച്ചാലും നിങ്ങള്‍തന്നെ പോയി വിളിച്ചുവരുത്തേണ്ടിവരും.