Connect with us

SPOTLIGHT

68 കലാകാരന്‍മാരുടെ ധീരത യേശുദാസിനെയും ജയരാജിനെയും വേട്ടയാടും

, 1:03 pm

ദേശീയ ചലചിത്ര പുരസ്‌കാരം സ്മൃതി ഇറാനിയുടെ കയ്യില്‍ നിന്ന് വാങ്ങിക്കാതെ പ്രതിഷേധിച്ച കലാകാരന്‍മാര്‍ വലിയ ആദരവ് അര്‍ഹിക്കുന്നു. ഇന്ത്യയില്‍ അടിയന്തരാവസ്ഥ കാലത്തേക്കാള്‍ കലയും സാഹിത്യവും ചിന്തകളും ഭീഷണി നേരിടുന്നത് ഇന്നാണ്. അത്തരം സംഭവങ്ങളുടെ തുടര്‍ച്ചയായിട്ട് മാത്രമേ കേന്ദ്രസര്‍ക്കാരിന്റെ തീരുമാനത്തെ കാണാന്‍ സാധിക്കുകയുള്ളൂ.

എന്ത് കൊണ്ട് മന്ത്രിയില്‍ നിന്ന് വാങ്ങിയാല്‍ കുഴപ്പം, ചാനല്‍ മുതലാളിമാരുടെ മുന്നില്‍ വണങ്ങി നില്‍ക്കുന്നവരാണല്ലോ നിങ്ങള്‍ എന്നിങ്ങനെയുള്ള നിരവധി അഭിപ്രായങ്ങള്‍ കേട്ടു.  ചാനല്‍ അവാര്‍ഡില്‍ പങ്കെടുക്കുമ്പോള്‍ ആ പരിപാടിയെ കുറിച്ചുള്ള ധാരണ അവാര്‍ഡ് ഏറ്റുവാങ്ങുന്നവര്‍ക്കും പ്രഖ്യാപിക്കുന്നവര്‍ക്കുമുണ്ട്, അത് കാണുന്ന പ്രേക്ഷകനും ഉണ്ട്. അത് സിനിമയുമായി ബന്ധപ്പെട്ട അനുബന്ധ വ്യാപാരമായിട്ടാണ് നമ്മള്‍ കാണുന്നത്.

അതിലേക്ക് ഒരു താരം പോകുന്നതിന് പലകാരണങ്ങളുമുണ്ട്. ചിലപ്പോള്‍ അയാളുടെ ഒരു സിനിമയുടെ സാറ്റ്‌ലൈറ്റ് അവകാശം ഈ ചാനലിന് ഉണ്ടാകാം. അങ്ങനെയുള്ള വാണിജ്യ താല്‍പര്യങ്ങള്‍ തന്നെയാണ് ഇതിനുള്ളില്‍. പക്ഷേ അതിനേയും ഇന്ത്യന്‍ സര്‍ക്കാര്‍ ഇക്കഴിഞ്ഞ വര്‍ഷത്തെ ഏറ്റവും മികച്ച സിനിമകളില്‍ നിന്ന് അവാര്‍ഡ് ജേതാക്കളെ കണ്ടെത്തിയതിനെയും തുലനപ്പെടുത്തുക എന്നത് തന്നെയാണ് ഏറ്റവും അപകടകരമായ കാര്യം.

വാണിജ്യതാല്‍പര്യങ്ങള്‍ക്ക് അതീതമായി സിനിമ എന്നുള്ള കലയെ വിലയിരുത്താനാണ് കേന്ദ്രസര്‍ക്കാര്‍  ജൂറിയെ നിയമിക്കുന്നത്. രാഷ്ട്രപതി രാജ്യത്തിന്റെ പ്രഥമപൗരനാണ്.  പ്രഥമപൗരനില്‍ നിന്ന് ഏറ്റുവാങ്ങുക എന്ന ചടങ്ങിന് അതിന്റേതായ ഗഹനതയുണ്ട്. ഇത്തവണത്തെ അവാര്‍ഡ് മുന്‍വര്‍ഷങ്ങളിലേത് പോലെ രാഷ്ട്രപതി സമ്മാനിക്കുമെന്ന് ജേതാക്കള്‍ക്ക് നല്‍കിയ ക്ഷണപത്രത്തില്‍ കൃത്യമായി രേഖപ്പെടുത്തിയിട്ടുണ്ട്. അതാണ് അവസാന നിമിഷം അട്ടിമറിക്കപ്പെടുന്നത്. രാഷ്ട്രീയത്തിന് അപ്പുറമുള്ള രാഷ്ട്രപതി എന്ന പദവിയെ പോലും മാറ്റിനിര്‍ത്തികൊണ്ട് ”ഞാന്‍ നിങ്ങള്‍ക്ക് അവാര്‍ഡ് തരും” എന്ന് പ്രഖ്യാപിക്കുന്ന കടന്നുകയറ്റത്തെയാണ് 68 കലാകാരന്‍മാര്‍ ഒന്നിച്ച് നിന്ന് എതിര്‍ത്തത്. അവരോടാണ് ആദരവ്.

ഇത്തരത്തില്‍ മുന്‍കൂട്ടി ആലോചിച്ച് തയ്യാറാക്കാതെ വളരെ നൈസര്‍ഗികമായി ഉണ്ടാകുന്ന പ്രതിഷേധങ്ങളിലാണ് ഒരു ബദല്‍ ജനാധിപത്യ സങ്കല്‍പം മുന്നോട്ട് വയ്ക്കപ്പെടുന്നത്. കൃത്യമായി ആസൂത്രണം ചെയ്ത പാര്‍ട്ടി പരിപാടിയൊന്നുമല്ല ഇത്. 68 പേര്‍ തീരുമാനിക്കുകയാണ്, ഈ അധികാര കടന്നുകയറ്റത്തിനെതിരെ നമ്മള്‍ പ്രതിഷേധിക്കണമെന്ന്. അണ്ണാ ഹസാരെ ഉപവാസം നടത്തിയപ്പോള്‍ രാജ്യത്തിന്റെ വിവിധ ഭാഗങ്ങളില്‍ നിന്നുള്ളവര്‍ ഒഴുകിയെത്തിയത് വളരെ നൈസര്‍ഗികമായാണ്. അവരൊരു പുതിയ ജനാധിപത്യ സങ്കല്‍പ്പം മുന്നോട്ട് വച്ച് വെച്ചവരാണ്. അത് തന്നെയാണ് ബോംബെയില്‍ നടന്ന കര്‍ഷകമാര്‍ച്ചിലും ഉണ്ടായത്. കര്‍ഷകര്‍ മാത്രമല്ല, കച്ചവടം നടത്തുന്നവരും ഉപരിവര്‍ഗവിഭാഗവും ഉള്‍പ്പെടെ എല്ലാവരും അതില്‍ പങ്കെടുത്തു. നൈസര്‍ഗികമായുണ്ടാകുന്ന ഇത്തരം പ്രതിഷേധങ്ങളാണ് മുന്‍പോട്ടുളള ബദല്‍രാഷ്ട്രീത്തിന്റെ ഭാവി.

കലാകാരന്‍, കലാകാരി എന്നിവര്‍ അധികാരത്തോട് ‘നോ’ പറയുന്നവരാണ്. അധികാരം എവിടെ ചോദ്യംചെയ്യപ്പെടുന്നു അവിടെ കലയുണ്ടാകുന്നു. അത് ഏറ്റവും ലളിതമായി മനസിലാക്കി തന്നവരാണ് ഈ 68 കലാകാരന്‍മാര്‍. അവരില്‍ പലരും വ്യത്യസ്ത രാഷ്ട്രീയചായ്‌വുകള്‍ ഉളളവരായിരിക്കാം. ബിജെപിയോട് അടുത്ത് പ്രവര്‍ത്തിക്കുന്ന ആളുകള്‍വരെ അതിലുണ്ട്. പക്ഷേ അതിനെല്ലാം അതീതമായി ഇത് അധികാരത്തിന്റെ കടന്നുകയറ്റമാണെന്നുള്ള തോന്നലിലാണ് പ്രതിഷേധമുണ്ടായത്. അതാണ് ആ പ്രതിഷേധത്തിന്റെ പ്രസക്തി.

പുരസ്‌കാര ദാന ചടങ്ങിന് വരാതിരുന്ന കലാകാരന്‍മാരുടെ കസേരകള്‍ എടുത്തുമാറ്റി. ചിലതില്‍ ഡമ്മികളെ ഇരുത്തിയൊക്കെയാണ് കേന്ദ്ര സര്‍ക്കാര്‍ നേരിട്ടത്. കലാകാരന്‍ അല്ലെങ്കില്‍ കലാകാരി എന്നതിനെ വെറും ഒരു കസേരയായിട്ടാണ് അവര്‍ കണക്കാക്കുന്നത്. ഒരു കസേര എടുത്ത് മാറ്റിയാല്‍ കലാകാരനെ വേരറുത്ത് മാറ്റാമെന്ന് അവര്‍ ധരിച്ചു.

കലാകാരനോ കലാകാരിയേക്കോ ഡമ്മിയെ ഇരുത്തി ചടങ്ങ് നടത്താം എന്നുള്ളത് ഈ സര്‍ക്കാര്‍ കലാകാരന്‍മാരോടും കലയോടും ചെയ്യുന്ന സമീപനത്തിന്റെ ലക്ഷണമാണ്. അധികാരത്തിന്റെ സമസ്തമേഖലകളും ഡമ്മികളെ വെച്ച് മാത്രം ഭരിച്ച് പരിചയിച്ച ഭരണകൂടത്തിന് ഇതും അങ്ങനെ നടത്താം എന്നുളള അവരുടെ മണ്ടന്‍ തോന്നലാണ് അവിടെ കണ്ട കസേരയെടുത്ത് മാറ്റല്‍ അഥവാ ഡമ്മി പ്രതിഷ്ഠ. കലാകാരനേയം കലാകാരിയെയും ചരിത്രത്തില്‍ നിന്ന് തുടച്ചുനീക്കാനാവില്ല.

നിര്‍ഭാഗ്യവശാല്‍ നമ്മുടെ രണ്ട് മുതിര്‍ന്ന കലാകാരന്‍മാര്‍, യേശുദാസും ജയരാജും നിവേദനത്തില്‍ ഒപ്പിട്ട ശേഷം അവാര്‍ഡ് ഏറ്റുവാങ്ങി. അത്തരത്തില്‍ അധികാരത്തിനോട് രാജിയാവുകവഴി അവര്‍, അവരുടെ കലാകാരന്മാര്‍ എന്ന സ്വത്വത്തെ തന്നെ ഇല്ലാതാക്കുകയാണ് ചെയ്തത്. 68 കലാകാരന്‍മാര്‍ കാണിച്ച ധീരത അവരെ വേട്ടയാടിക്കൊണ്ടിരിക്കും. അവരെ ഇത് അസ്വസ്ഥരാക്കും. ഇരുണ്ട കാലഘത്തിലൂടെ കടന്നുപോകുന്നതിന്റെ അടയാളമായി ഇതിനെ വായിക്കാം. പക്ഷേ ആ ഇരുട്ടിനപ്പുറം ഉണ്ടാകാന്‍ പോകുന്ന വെളിച്ചത്തിന്റെ സൂചനകൂടി ഈ പ്രതിഷേധം നമുക്ക് നല്‍കുന്നുണ്ട്.

Don’t Miss

CRICKET10 mins ago

എലിമിനേറ്ററില്‍ മഴപെയ്താല്‍ ഗുണം കൊല്‍ക്കത്തയ്ക്ക്

ഐപിഎല്ലില്‍ നിര്‍ണ്ണായക എലിമിനേറ്റര്‍ മത്സരം മഴ മൂലം ഉപേക്ഷിച്ചാല്‍ ഗുണംകിട്ടുക കൊല്‍ക്കത്ത നൈറ്റ്‌റൈഡേഴ്‌സിന്. രാജസ്ഥാന്‍ റോയല്‍സിന്റെ പുറത്ത് പോക്കിനാകും ഇതോടെ വഴിവെക്കുക. ഇതോടെ കൊല്‍ക്കത്ത സ്വഭാവികമായും രണ്ടാം...

KERALA26 mins ago

നിപ്പാ വൈറസിനുള്ള മരുന്ന് കോഴിക്കോടെത്തിച്ചു; മലേഷ്യയില്‍ നിന്ന് കൊണ്ടുവന്നത് റിബ വൈറിന്റെ 8000 ഗുളികകള്‍; ട്രയല്‍ നടത്തിയ ശേഷം വിതരണം ചെയ്യുമെന്ന് ആരോഗ്യവകുപ്പ്

കേരളത്തെ ഭീതിയിലാഴ്ത്തിയ നിപ്പാ വൈറസിനുള്ള മരുന്ന് കോഴിക്കോടെത്തി. പ്രതിപ്രവര്‍ത്തനതതിനുള്ള റിബ വൈറിനാണ് എത്തിയത്. മലേഷ്യയില്‍ നിന്ന് 8000 ഗുളികകളാണ് കെഎംഎസ്‌സിഎല്‍ വഴി കോഴിക്കോട് മെഡിക്കല്‍ കോളേജ് ആശുപത്രിയില്‍...

BUSINESS28 mins ago

ഓഹരി വിപണി പതനത്തിൽ, സെൻസെക്‌സ് 306 പോയിന്റ് താഴ്ന്നു, നിഫ്റ്റിക്ക് 106 പോയിന്റ് നഷ്ടം

ഓഹരി വിപണി ഇന്ന് കനത്ത ഇടിവിലേക്ക് വീണു. ബോംബെ സ്റ്റോക്ക് എക്‌സ്‌ചേഞ്ച് സൂചികയായ സെൻസെക്‌സ് 306 .33 പോയിന്റ് ഇടിഞ്ഞ 34344 .91 ൽ ക്ളോസ് ചെയ്തു....

YOUR HEALTH36 mins ago

അഗര്‍ബത്തികള്‍ ആളേകൊല്ലികളാണെന്ന് അറിയാമോ ? പ്രാര്‍ത്ഥനയ്ക്ക് ഉപയോഗിക്കും മുന്‍പ് ഇക്കാര്യങ്ങള്‍ കൂടി അറിഞ്ഞിരിക്കണം

അഗര്‍ബത്തികള്‍ ക്ഷേത്രങ്ങളിലും വീടുകളിലും വ്യാപകമായി ഉപയോഗിക്കുന്ന ഒന്നാണ്. പ്രാര്‍ത്ഥനകളുടെയും പൂജകളുടെയും ഭാഗമായിട്ടാണ് ഇവ ഉപയോഗിക്കുന്നത്. അഗര്‍ബത്തികള്‍ ഉപയോഗിക്കുന്നതിലൂടെ ഭക്തിസാന്ദ്രമായ അന്തരീക്ഷം സൃഷ്ടിക്കപ്പെടുമെന്നും ഐശ്വര്യം വരുമെന്നുമാണ് പൊതുവിലുള്ള ധാരണയെങ്കിലും...

CRICKET45 mins ago

സഞ്ജു കൊല്‍ക്കത്ത ബോളര്‍മാരുടെ നട്ടെല്ലൊടിക്കാന്‍ കഴിവുള്ളവന്‍; പ്രശംസയുമായി ഗംഭീര്‍

ഐപിഎല്ലിന്റെ എലിമിനേറ്ററില്‍ മുന്‍ ചാംപ്യന്‍മാരായ കൊല്‍ക്കത്ത നൈറ്റ്റൈഡേഴ്സും രാജസ്ഥാന്‍ റോയല്‍സും നേര്‍ക്കുനേര്‍ എത്തുകയാണ്.  കൊല്‍ക്കത്തയിലെ ഈഡന്‍ ഗാര്‍ഡന്‍സിലാണ് നോക്കൗട്ട്റൗണ്ട് പോരാട്ടം. തോല്‍ക്കുന്ന ടീം പുറത്താവുമെന്നതില്‍ ജീവന്‍മരണ പോരിനാണ്...

AUTOMOBILE46 mins ago

എതിരാളികളുടെ ചങ്കിടിപ്പ് കൂട്ടി പട്ടാള പ്രൗഢിയില്‍ ഒരുങ്ങി റോയല്‍ എന്‍ഫീല്‍ഡ്; ‘ക്ലാസിക് 500 പെഗാസസ്’ വിപണിയിലേക്ക്

പട്ടാള പ്രൗഢിയുള്ള പുതിയ അവതാരത്തെ രംഗത്തിറക്കി റോയല്‍ എന്‍ഫീല്‍ഡ്. ക്ലാസിക് 500 പെഗാസസ് എന്നാണ് ഈ പ്രത്യേക പതിപ്പിനു റോയല്‍ എന്‍ഫീല്‍ഡ് നല്‍കിയിരിക്കുന്ന പേര്. രണ്ടാം ലോകമഹായുദ്ധ...

DESTINATION49 mins ago

നീലക്കുറിഞ്ഞി ആസ്വദിക്കാന്‍ കടുത്ത നിയന്ത്രണം; ദിവസം 3600 സന്ദര്‍ശകര്‍ക്ക് മാത്രം അനുമതി, തീരുമാനം ആവാസ വ്യവസ്ഥയ്ക്ക് കോട്ടം തട്ടാതിരിക്കാന്‍

മൂന്നാറില്‍  നീലകുറിഞ്ഞി സംരക്ഷണം   മുന്‍ നിര്‍ത്തി  ഇരവികുളം  ദേശിയ ഉദ്യാനത്തിലേക്കുളള സന്ദര്‍ശകരുടെ എണ്ണത്തില്‍ വനം വകുപ്പ് നിയന്ത്രണം ഏര്‍പ്പെടുത്തി. 12 വര്‍ഷത്തില്‍ ഒരിക്കല്‍ മാത്രം  പൂക്കുന്ന  നീലകുറിഞ്ഞി ...

KERALA1 hour ago

ബിജെപി പ്രവര്‍ത്തകരുടെ കൊലപാതകം; സിബിഐ അന്വേഷണ ആവശ്യം ഹൈക്കോടതി തള്ളി

പിണറായി വിജയന്‍ സര്‍ക്കാര്‍ അധികാരത്തിലേറിയ ശേഷം സംസ്ഥാനത്ത് നടന്ന എട്ട് ബിജെപി പ്രവര്‍ത്തകരുടെ കൊലപാതകത്തില്‍ സിബിഐ അന്വേഷണം വേണമെന്ന ഹര്‍ജി ഹൈക്കോടതി തള്ളി. തലശ്ശേരിയിലെ ഗോപാലന്‍ അടിയോടി...

CRICKET1 hour ago

‘തല’യ്ക്ക് ട്രിബ്യൂട്ട് നല്‍കി ‘ചാമ്പ്യന്‍’ ബ്രാവോ

സൗത്ത് ആഫ്രിക്കയുടെ സൂപ്പര്‍താരം ഡുപ്ലെസിസിന്റെ തകര്‍പ്പന്‍ അര്‍ദ്ധസെഞ്ച്വറി പ്രകടനം ചെന്നൈയെ വീണ്ടും ഐ പി എല്‍ ഫൈനലിലേക്ക് എത്തിച്ചിരിക്കുകയാണ്. മഹേന്ദ്ര സിംഗ് ധോണിയുടെ നേതൃത്വത്തില്‍ ഇത് ഏഴാം...

NATIONAL1 hour ago

തോക്ക് താഴെ വയ്ക്കാതെ തമിഴ്‌നാട് പൊലീസ്; തൂത്തുക്കുടിയില്‍ വീണ്ടും വെടിവെയ്പ്പ്; ഒരാള്‍ മരിച്ചു; അഞ്ചു പേര്‍ക്ക് പരിക്ക്

തൂത്തുക്കുടിക്കടുത്ത് അണ്ണാനഗറില്‍ വീണ്ടും പൊലീസ് വെടിവെയ്പ്പ്. ഒരാള്‍ മരിച്ചു. കാളിയപ്പനാണ് (24) മരിച്ചത്. അഞ്ചുപേര്‍ പരിക്കേറ്റ് ആശുപത്രിയില്‍ ചികിത്സയില്‍. ഇവരില്‍ മൂന്നു പേരുടെ നില ഗുരുതരം. തൂത്തുക്കുടി ജനറല്‍...