രാജ്യത്തെ ഏറ്റവും മികച്ച ആശുപത്രികളുടെ പട്ടികയില്‍ കൊച്ചിയിലെ ആസ്റ്റര്‍ മെഡ് സിറ്റിയും. ടൈംസ് ഓഫ് ഇന്ത്യയാണ് രാജ്യത്തെ മികച്ച ആരോഗ്യസേവന ദാതാക്കളെ കണ്ടെത്താനുള്ള സര്‍വ്വേ നടത്തിയത്. കൊച്ചിയിലെ ഏറ്റവും മികച്ച ആശുപത്രി എന്ന സുവര്‍ണ നേട്ടവും ആസ്റ്റര്‍ മെഡ്‌സിറ്റി സ്വന്തമാക്കി.
അഖിലേന്ത്യ തലത്തില്‍ നടത്തിയ സര്‍വ്വേയില്‍ രാജ്യത്തെ നാലാമത്തെ മികച്ച ആശുപത്രിയായും ആസ്റ്റര്‍ മെഡ്‌സിറ്റി തിരഞ്ഞെടുക്കപ്പെട്ടു. രോഗികള്‍ക്ക് നല്‍കുന്ന സേവനങ്ങളുടെ നിലവാരവും, ഉന്നത നിലവാരത്തിലുള്ള ചികിത്സാ സൗകര്യങ്ങളും അടക്കമുള്ള വസ്തുതകള്‍ കണക്കിലെടുത്താണ് ആസ്റ്റര്‍ മെഡ്‌സിറ്റി അഭിനന്ദനാര്‍ഹമായ നേട്ടം കൈവരിച്ചത്.
Read more
തെക്കേ ഇന്ത്യയില്‍ രണ്ടാമത്തെ ഏറ്റവും മികച്ച ആശുപത്രിയായും ആസ്റ്റര്‍ മെഡ്‌സിറ്റി സര്‍വ്വേയില്‍ മികച്ച നേട്ടം കുറിച്ചു. പ്രവര്‍ത്തനം ആരംഭിച്ച് കേവലം ഒമ്പത് വര്‍ഷത്തിനുള്ളിലാണ് ആസ്റ്റര്‍ മെഡ്‌സിറ്റി രാജ്യത്തെ ഏറ്റവും മികച്ച ആശുപത്രികളുടെ പട്ടികയില്‍ തുടര്‍ച്ചയായി മുന്‍പന്തിയില്‍ സ്ഥാനം ഉറപ്പിക്കുന്നത്.
