നിര്മ്മാതാവിന്റെ ഉപദ്രവത്തെ തുടര്ന്ന് മാനസികമായി തകര്ന്നുവെന്ന് നടി കൃഷ്ണ മുഖര്ജി. സുഖമില്ലാതിരുന്നപ്പോള് തന്നെ മേക്കപ്പ് റൂമില് പൂട്ടിയിട്ടു. അഞ്ച് മാസം ജോലി ചെയ്തതിന്റെ ശമ്പളം നല്കിയില്ല. ആരും സഹായിച്ചില്ല എന്നാണ് കൃഷ്ണ പറയുന്നത്. സീരിയല് നിര്മ്മാതാവ് കുന്ദന് സിംഗിനെതിരെയാണ് കൃഷ്ണ പ്രതികരിച്ചത്. ‘യേ ഹേ ആഷിഖി’, ‘നാഗിന് 3’, ‘യേ ഹേ മുഹബത്തേന്’ തുടങ്ങിയ ഹിറ്റ് ഷോകളുടെ ഭാഗമായ നടിയാണ് കൃഷ്ണ മുഖര്ജി.
”എല്ലാം തുറന്നു പറയാനുള്ള ധൈര്യം ഇതുവരെ ഇല്ലായിരുന്നെങ്കിലും ഇനിയിത് മറച്ചുവയ്ക്കേണ്ടെന്ന് തീരുമാനിച്ചു. ഏറെ വിഷമതകള് നിറഞ്ഞ സമയത്തിലൂടെയാണ് ഞാന് കടന്നു പോകുന്നത്. കഴിഞ്ഞ ഒന്നര വര്ഷം എന്റെ അവസ്ഥ അത്ര നല്ലതായിരുന്നില്ല. വിഷാദവും ഉത്കണ്ഠയും ബാധിച്ചു. ഒറ്റയ്ക്കായിരിക്കുമ്പോള് ഉറക്കെ കരഞ്ഞു.”
”അവസാനം പ്രദര്ശനത്തിനെത്തിയ ശുഭ് ശകുന് എന്ന പരമ്പര ചെയ്തു തുടങ്ങിയതാണ് എല്ലാത്തിന്റെയും ആരംഭം. ജീവിതത്തില് എടുത്ത ഏറ്റവും മോശം തീരുമാനമായിരുന്നു അത്. പ്രൊഡക്ഷന് ഹൗസും നിര്മാതാവ് കുന്ദന് സിംഗും പലതവണ ഉപദ്രവിച്ചു. സുഖമില്ലാതിരുന്ന അവസരത്തില് എന്നെ മേക്കപ്പ് റൂമില് പൂട്ടിയിടുക പോലും ചെയ്തു.”
”ചെയ്ത ജോലിക്ക് കൂലി നല്കിയിരുന്നില്ല. വസ്ത്രം മാറുന്ന സമയത്ത് മേക്കപ്പ് റൂമിന്റെ വാതിലില് അത് തകര്ക്കാനെന്ന പോലെ അടിച്ചു. അഞ്ച് മാസത്തെ പ്രതിഫലമായി കിട്ടേണ്ടിയിരുന്നത് വലിയൊരു സംഖ്യയായിരുന്നു. ഇക്കാര്യം ഉന്നയിച്ച് ചാനല് ഓഫീസിനെ സമീപിച്ചെങ്കിലും അനുകൂല നിലപാടുണ്ടായിരുന്നില്ല. എനിക്ക് ഭയവും അരക്ഷിതാവസ്ഥയും അനുഭവപ്പെട്ടു.”
”സഹായത്തിനായി പലരേയും സമീപിച്ചെങ്കിലും ഒന്നും ഫലം ചെയ്തില്ല. ഞാന് എന്താണ് ഷോ ചെയ്യാത്തതെന്ന് പലരും ചോദിക്കുന്നുണ്ട്. ഇതാണ് കാരണം. ഇതുപോലെ വീണ്ടും നടന്നാലോ എന്ന് എനിക്ക് ഭയമുണ്ട്. എനിക്ക് നീതി വേണം” എന്നാണ് കൃഷ്ണ മുഖര്ജി സോഷ്യല് മീഡിയയിലൂടെ പറയുന്നത്.
View this post on Instagram