ഓസ്ട്രിയൻ മോട്ടോർസൈക്കിൾ നിർമ്മാതാക്കളായ കെടിഎം അന്താരാഷ്ട്ര വിപണിയിൽ പുതിയ മോഡലുകളും പഴയ മോഡലുകളുടെ പുതുക്കിയ പതിപ്പുകളും ഉൾപ്പെടുത്താൻ പദ്ധതിയിടുകയാണ്. അതേ സമയം, ഇന്ത്യയിലെ ബ്രാൻഡും നിലവിൽ വിൽപ്പനയിലുള്ള മോഡലുകൾ അപ്‌ഡേറ്റ് ചെയ്യാൻ ഒരുങ്ങുകയാണ്. ഈ പരിഷ്കരിച്ച മോട്ടോർസൈക്കിളുകളിൽ ഒന്ന് കെടിഎം 390 അഡ്വഞ്ചർ ആണ്.
390 അഡ്വഞ്ചറിൻ്റെ പുതിയ തലമുറയെ ഇന്ത്യൻ വിപണിയിൽ അവതരിപ്പിക്കാനുള്ള തയ്യാറെടുപ്പിലാണ് കെടിഎം ഇന്ത്യ. ഏറെ പ്രതീക്ഷയോടെ കാത്തിരിക്കുന്ന പുതിയ മോട്ടോർസൈക്കിളിൻ്റെ ഒരു ടെസ്റ്റ് മ്യൂൾ അടുത്തിടെ റോഡുകളിൽ കണ്ടതായി റിപോർട്ടുകൾ വന്നിരുന്നു. ഈ വർഷം അവസാനത്തോടെ 2025 390 അഡ്വഞ്ചർ ഡീലർഷിപ്പുകളിൽ എത്തുമെന്നാണ് പ്രതീക്ഷിക്കുന്നത്. കെടിഎം അടുത്തിടെ 390 ഡ്യൂക്കും 250 ഡ്യൂക്കും അപ്‌ഡേറ്റ് ചെയ്തിരുന്നു. രണ്ട് മോഡലുകൾക്കും വളരെ നല്ല പ്രതികരണമാണ് ലഭിച്ചത്.
2025 390 അഡ്വഞ്ചർ കാര്യമായ മേക്ക് ഓവറിലൂടെ കടന്നുപോയതായി തന്നെ വിഡിയോയിൽ നിന്നും മനസിലാക്കാൻ സാധിക്കും. വലിയ സഹോദരങ്ങളിൽ നിന്ന് പ്രചോദനം ഉൾക്കൊണ്ടാണ് ഡിസൈൻ നിർമ്മിച്ചിരിക്കുന്നത് എന്നതിനാൽ ഇത് കൂടുതലായും ഓഫ്-റോഡിന് തയ്യാറാണെന്ന് തോന്നിപ്പിക്കുന്ന വിധത്തിലാണ് ഉള്ളത്. ഉയരമുള്ള വിൻഡ്‌സ്‌ക്രീനും കൊക്ക് പോലെയുള്ള ഫ്രണ്ട് മഡ്‌ഗാർഡുമുണ്ട്. മുൻവശത്ത് ഒരു പുതിയ ഹെഡ്‌ലാമ്പ് ഡിസൈൻ ഉൾപ്പെടുത്തിയിട്ടുണ്ട്. ഇൻവെർട്ടഡ്-യു ആകൃതിയിലുള്ള എൽഇഡി ഡേടൈം റണ്ണിംഗ് ലാമ്പും കുത്തനെ ക്രമീകരിച്ചിരിക്കുന്ന രണ്ട് പ്രൊജക്ടർ സജ്ജീകരണങ്ങളുമാണ് ഇതിലുള്ളത്.
പുതിയ 399 സിസി ലിക്വിഡ് കൂൾഡ് എഞ്ചിനിലാണ് പുതിയ 390 അഡ്വഞ്ചർ വരുന്നത്. ഈ എഞ്ചിൻ 373 സിസി യൂണിറ്റിന് പകരമായാണ് എത്തുന്നത്. പുതിയ 390 ഡ്യൂക്കിലെ പുതിയ എഞ്ചിൻ 44 ബിഎച്ച്പിയും 39 എൻഎം ടോർക്കും പുറപ്പെടുവിക്കുന്നു, എന്നാൽ കൂടുതൽ ടൂറിങ് ആവശ്യങ്ങൾക്കായി 390 ADV-യിൽ റീട്യൂൺ ചെയ്യാം. പുതിയ എഞ്ചിൻ 373 സിസി യൂണിറ്റിനേക്കാൾ വളരെ കൂടുതലാണ്. മാത്രമല്ല, 6-സ്പീഡ് ഗിയർബോക്‌സിൽ വളരെ മെച്ചപ്പെട്ട ക്വിക്ക്‌ഷിഫ്‌റ്ററുമുണ്ട്.
പുതിയ 390 അഡ്വഞ്ചറിന് ഗ്രൗണ്ട് ക്ലിയറൻസ് ഡിപ്പാർട്ട്‌മെൻ്റിൽ ഒരു ബമ്പ് ലഭിക്കുമെന്നാണ് പ്രതീക്ഷിക്കുന്നത്. ഇത് മോട്ടോർസൈക്കിളിൻ്റെ ഓഫ്-റോഡ് വിശ്വാസ്യത വർദ്ധിപ്പിക്കാൻ സഹായിക്കും. 855 എംഎം സീറ്റ് ഉയരമാണ് 390 അഡ്വഞ്ചറിൻ്റെ പ്രധാന ആകർഷണങ്ങളിലൊന്ന്. പുതിയ തലമുറയ്‌ക്കൊപ്പം, സീറ്റ് ഉയരം കുറയ്ക്കാൻ കെടിഎമ്മിന് കഴിയുമെന്ന് പ്രതീക്ഷിക്കുന്നു.
Read more
റോയൽ എൻഫീൽഡ് ഹിമാലയൻ 450, ബിഎംഡബ്ല്യു ജി 310 ജിഎസ് എന്നിവയ്ക്ക് 2025 കെടിഎം 390 അഡ്വഞ്ചർ എതിരാളിയാകും. വരാനിരിക്കുന്ന ഹീറോ Xpulse 400-നെതിരെയും ഇത് മത്സരിക്കും.
