ബോളിവുഡില്‍ വീണ്ടുമൊരു താരവിവാഹം ഒരുങ്ങുകയാണ്. പരനീതി ചോപ്രയുടെയും ആം ആദ്മി പാര്‍ട്ടി എംപി രാഘവ് ഛദ്ദയും തമ്മിലുള്ള വിവാഹത്തെ കുറിച്ചുള്ള ചര്‍ച്ചകളാണ് സോഷ്യല്‍ മീഡിയയില്‍ വൈറലായി കൊണ്ടിരിക്കുന്നത്. ഇതിനിടെ ഐപിഎല്‍ വേദിയിലും ഇരുവരും ഒന്നിച്ച് എത്തിയിരിക്കുകയാണ്.
കഴിഞ്ഞ ദിവസം ഐപിഎല്ലില്‍ നടന്ന പഞ്ചാബ് കിംഗ്‌സ്-മുംബൈ ഇന്ത്യന്‍സ് മത്സരം ഇരുവരും കാണാനെത്തിയ ചിത്രങ്ങളും സോഷ്യല്‍ മീഡിയയില്‍ വൈറലാണ്. മൊഹാലി സ്റ്റേഡിയത്തിലായിരുന്നു പോരാട്ടം. ഇരുവരും സ്റ്റേഡിയത്തില്‍ കാണികളെ അഭിവാദ്യം ചെയ്യുന്ന വീഡിയോ ട്വിറ്ററില്‍ ട്രന്‍ഡിംഗ് ആണ്.
Parineeti Chopra and Raghav Chadha make heads turn at an IPL match in Mohali.#parineetichopra #parineeti #raghavchadha #bollywood #aap pic.twitter.com/mqfCX1PeXo
— Khabristan Network (@WebKhabristan) May 4, 2023
മെയ് 13ന് ഇരുവരും തമ്മിലുള്ള വിവാഹനിശ്ചയം നടക്കുമെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നുണ്ട്. എന്നാല്‍ വിഷയത്തെ കുറിച്ച് മാധ്യമങ്ങളോട് സംസാരിക്കാന്‍ രാഘവ് ഛദ്ദ തയ്യാറായിരുന്നില്ല. എന്നാല്‍ രാഘവിനും പരിനീതിക്കും ആശംസകള്‍ നേര്‍ന്നു കൊണ്ട് എ.എ.പി എംപി സഞ്ജീവ് അറോറ ട്വീറ്റ് ചെയ്തതോടെയാണ് വിവാഹ വാര്‍ത്തകള്‍ ശക്തമായത്.
മാഞ്ചസ്റ്റര്‍ യൂണിവേഴ്സിറ്റിയിലെ പൂര്‍വ്വ വിദ്യാര്‍ത്ഥിയാണ് പരിനീതി. ലണ്ടന്‍ സ്‌കൂള്‍ ഓഫ് എകണോമിക്സ് വിദ്യാര്‍ത്ഥിയായിരുന്നു ഛദ്ദ. ആ സമയം മുതല്‍ സുഹൃത്തുക്കളാണ് ഇരുവരും. അതേസമയം, പരിനീതിയും രാഘവ് ഛദ്ദയും ലണ്ടന്‍ സ്‌കൂള്‍ ഓഫ് ഇക്കണോമിക്സില്‍ സഹപാഠികളായിരുന്നു.
Read more
ട്വിറ്ററില്‍ 44 പേരെ മാത്രമാണ് രാഘവ് ഫോളോ ചെയ്യുന്നത്. അതില്‍ സിനിമാ മേഖലയില്‍ നിന്ന് രണ്ടു പേരെയുള്ളൂ. ഒന്ന് ആം ആദ്മി പാര്‍ട്ടി അംഗം കൂടിയായ ഗുല്‍ പനാഗ്. രണ്ടാമത്തേത് പരിനീതിയും. വിവാഹ വാര്‍ത്തകളോട് ഔദ്യോഗികമായി പരിനീതിയോ രാഘവോ പ്രതികരിച്ചിട്ടില്ല.
