ഗര്‍ഭിണി ആണെങ്കിലും വര്‍ക്കിന്റെ കാര്യത്തില്‍ നോ കോംപ്രമൈസ് എന്ന് ദീപിക പദുക്കോണ്‍. ഏറ്റവും പുതിയ ചിത്രത്തിന്റെ സെറ്റില്‍ നിന്നുള്ള ദീപികയുടെ ചിത്രങ്ങളാണ് ഇപ്പോള്‍ വൈറലായി കൊണ്ടിരിക്കുന്നത്. രോഹിത് ഷെട്ടിയുടെ ‘സിംഗം എഗെയ്ന്‍’ എന്ന ചിത്രത്തിന്റെ ലൊക്കേഷനിലെ ചിത്രങ്ങള്‍ ഇപ്പോള്‍ പുറത്തെത്തിയിരിക്കുന്നത്.
പൊലീസ് കഥാപാത്രമായി എത്തുന്ന ദീപികയുടെ ആക്ഷന്‍ രംഗങ്ങളാണ് ചിത്രീകരിച്ചു കൊണ്ടിരിക്കുന്നത്. ലൊക്കേഷനില്‍ നിന്നുള്ള ചിത്രങ്ങള്‍ സോഷ്യല്‍ മീഡിയയില്‍ വൈറലാവുകയാണ്. സംവിധായകന്‍ ഷെട്ടിയുടെയും സ്റ്റണ്ട് ടീം അംഗങ്ങളുടെയും നിര്‍ദേശങ്ങള്‍ക്ക് അനുസരിച്ച് നടി സംഘട്ടന രംഗം ചിത്രീകരിക്കാന്‍ തയ്യാറെടുക്കുന്നതാണ് ചിത്രങ്ങളില്‍ ഉള്ളത്.
Shakti Shetty is going to end careers ik 🤌🥵 pic.twitter.com/51qYkiAo1f
— Deepika Files (@FilesDeepika) April 17, 2024
ശാരീരിക ബുദ്ധിമുട്ടുള്ള ചില രംഗങ്ങള്‍ ഗര്‍ഭിണിയായ താരത്തിനെ കൊണ്ട് ചെയ്യിക്കാതിരിക്കാനായി ഡ്യൂപ്പിനെ വച്ചിട്ടുണ്ടെന്നും റിപ്പോര്‍ട്ടുകളുണ്ട്. എന്നാല്‍ അധികം ഡ്യൂപ്പുകളെ വയ്ക്കാതെ ആക്ഷന്‍ രംഗങ്ങളില്‍ പ്രത്യക്ഷപ്പെടാറുള്ള താരമാണ് ദീപിക. അതുകൊണ്ട് തന്നെ ഈ രംഗങ്ങള്‍ എങ്ങനെയാകും എത്തുക എന്ന ആശയങ്കയിലാണ് ആരാധകര്‍.
[Pics] Deepika Padukone and Rohit Shetty on the sets of #SinghamAgain 🔥🔥 pic.twitter.com/lCb1YNRE7Q
— Deepika Padukone FC (@DeepikaPFC) April 17, 2024
നേരത്തെ പുറത്തെത്തിയ ദീപികയുടെ കഥാപാത്രത്തിന്റെ ഫസ്റ്റ് ലുക്ക് പോസ്റ്റര്‍ സോഷ്യല്‍ മീഡിയയില്‍ വൈറലായിരുന്നു. രണ്‍വീര്‍ സിംഗ്, കരീന കപൂര്‍, അക്ഷയ് കുമാര്‍, ടൈഗര്‍ ഷെറോഫ്, അജയ് ദേവ്ഗണ്‍ എന്നിവരാണ് ചിത്രത്തിലെ പ്രധാന താരങ്ങള്‍. രോഹിത് ഷെട്ടിയുടെ ‘കോപ്പ് യൂണിവേഴ്‌സി’ല്‍ പെടുന്ന ചിത്രമാണിത്.
