നിതീഷ് തിവാരി സംവിധാനം ചെയ്യുന്ന ‘രാമായണ്‍’ ചിത്രത്തില്‍ രണ്‍ബിര്‍ കപൂര്‍ രാമനായി എത്തുമ്പോള്‍ സായ് പല്ലവി സീതയായി വേഷമിടും എന്ന വാര്‍ത്തകള്‍ അടുത്തിടെ ശ്രദ്ധ നേടിയിരുന്നു. കെജിഎഫ് താരം പ്രഭാസ് ആണ് ചിത്രത്തില്‍ രാവണനായി വേഷമിടുക. ചിത്രത്തില്‍ അഭിനയിക്കാനായി തന്റെ ലൈഫ്‌സ്റ്റൈല്‍ തന്നെ മാറ്റിയിരിക്കുകയാണ് രണ്‍ബിര്‍ കപൂര്‍.
സിനിമയ്ക്കായുള്ള രണ്‍ബിറിന്റെ ഒരുക്കത്തെ കുറിച്ചുള്ള റിപ്പോര്‍ട്ടുകളാണ് ഇപ്പോള്‍ ശ്രദ്ധ നേടുന്നത്. സിനിമയോടും കഥാപാത്രത്തോടും നീതിപുലര്‍ത്താനായുള്ള ശ്രമത്തിലാണ് രണ്‍ബിര്‍ ഇപ്പോള്‍. മദ്യപാനം പൂര്‍ണമായും രണ്‍ബിര്‍ ഉപേക്ഷിച്ചു കഴിഞ്ഞു. അതുപോലെ തന്നെ നോണ്‍വെജും താരം ഉപേക്ഷിച്ചിരിക്കുകയാണ്.
പ്രേക്ഷകര്‍ക്ക് മുന്നില്‍ തന്റെ പ്രതിഛായ നന്നാക്കാനായല്ല, ശ്രീരാമാന്‍ എന്ന കഥാപാത്രമാകാനുള്ള പരിശ്രമത്തിലാണ് രണ്‍ബിര്‍. നിശാപാര്‍ട്ടിളിലോ ക്ലബ്ബുകളിലോ രണ്‍ബിര്‍ ഇപ്പോള്‍ എത്താറില്ല എന്നാണ് താരത്തോട് അടുത്ത വൃത്തങ്ങള്‍ പറയുന്നത് എന്നാണ് കോയ്‌മോയ് റിപ്പോര്‍ട്ട് ചെയ്യുന്നത്.
Read more
അതേസമയം, അടുത്ത വര്‍ഷം ഫെബ്രുവരിയില്‍ ആകും രാമായണത്തിന്റെ ഷൂട്ടിംഗ് ആരംഭിക്കുക. സിനിമയുടെ ഒന്നാം ഭാഗത്തില്‍ സീതാഹരണം വരെയാകും ചിത്രീകരിക്കുക. ഓസ്‌കര്‍ നേടിയ ഡിഎന്‍ഇജി കമ്പനിയാണ് ചിത്രത്തിനായി വിഎഫ്എക്‌സ് ഒരുക്കുന്നത് എന്നും റിപ്പോര്‍ട്ടുകളുണ്ട്.
