വി.ഡി സവര്‍ക്കറുടെ ബയോപിക് ആയി ഒരുങ്ങുന്ന ‘സ്വതന്ത്ര്യ വീര്‍ സവര്‍ക്കര്‍’ ചിത്രം പ്രതിസന്ധിയില്‍. രണ്‍ദീപ് ഹൂഡ സംവിധായകനായി അരങ്ങേറുന്ന ചിത്രമാണ് സ്വതന്ത്ര്യ വീര്‍ സവര്‍ക്കര്‍. ചിത്രത്തിലെ ടൈറ്റില്‍ റോളും ഹൂഡയാണ് ചെയ്യുന്നത്. ഇതിനൊപ്പം ചിത്രത്തിന്റെ നിര്‍മ്മാണ് പങ്കാളിയും കൂടിയാണ് രണ്‍ദീപ് ഹൂഡ.
മറ്റ് നിര്‍മ്മാതാക്കളുമായുള്ള തര്‍ക്കത്തെ തുടര്‍ന്നാണ് ചിത്രം ഇപ്പോള്‍ പ്രതിസന്ധിയില്‍ ആയിരിക്കുന്നത്. ചിത്രത്തിന്റെ പകര്‍പ്പവകാശത്തിന്റെ പൂര്‍ണ്ണമായ ഉടമസ്ഥാവകാശം തനിക്ക് ആണെന്ന് രണ്‍ദീപ് ഹൂഡ അടുത്തിടെ പത്രപ്രസ്താവന പുറപ്പെടുവിച്ചിരുന്നു.
നിര്‍മ്മാതാവ്, സംവിധായകന്‍, നടന്‍ എന്നീ നിലകളില്‍ തന്റെ പങ്ക് കണക്കിലെടുത്ത്, ചിത്രത്തിന്റെ പകര്‍പ്പവകാശത്തിന്റെ ഏക ഉടമ താനാണെന്ന് രണ്‍ദീപ് അടുത്തിടെ മറ്റുള്ള നിര്‍മ്മാതാക്കള്‍ക്ക് വക്കീല്‍ നോട്ടീസ് അയച്ചതോടെയാണ് വിവാദമായത്.
ഇത് സമ്മതിച്ച് നല്‍കാന്‍ മറ്റ് നിര്‍മ്മാതാക്കള്‍ തയ്യാറായില്ല. ചിത്രത്തിന്റെ മറ്റ് രണ്ട് നിര്‍മ്മാതാക്കളായ സന്ദീപ് സിങ്ങും, ആനന്ദ് പണ്ഡിറ്റും രണ്‍ദീപ് ഹൂഡയുടെ അവകാശവാദം തള്ളി ഔദ്യോഗികമായ നിയമ നടപടി സ്വീകരിക്കും എന്ന് വക്കീല്‍ മുഖേന ഇറക്കിയ പത്ര കുറിപ്പില്‍ വ്യക്തമാക്കി.
Read more
അതേസമയം, കഴിഞ്ഞ വര്‍ഷം മാര്‍ച്ചില്‍ ആയിരുന്നു സ്വതന്ത്ര്യ വീര്‍ സവര്‍ക്കര്‍ പ്രഖ്യാപിച്ചത്. സവര്‍ക്കര്‍ ആവാന്‍ വേണ്ടി 18 കിലോയോളം രണ്‍ദീപ് ഹൂഡ കുറച്ചിരുന്നു. സവര്‍ക്കറുടെ ജന്മവാര്‍ഷിക ദിനത്തില്‍ ചിത്രത്തിന്റെ ടീസര്‍ എത്തിയിരുന്നു.
