ബാഹുബലിയിലെ കട്ടപ്പ എന്ന കഥാപാത്രത്തിലൂടെ തെന്നിന്ത്യൻ സിനിമ പ്രേമികൾക്ക് പ്രിയങ്കരനായി മാറിയ നടനാണ് സത്യരാജ്. റസൂൽ പൂക്കുട്ടി ആദ്യമായി സംവിധാനം ചെയ്യുന്ന ‘ഒറ്റ’ എന്ന ചിത്രത്തിലൂടെ വീണ്ടും മലയാള സിനിമയിലേക്ക് എത്തുകയാണ് സത്യരാജ്.
ഇപ്പോഴിതാ തന്റെ രാഷ്ട്രീയ നിലാപടിനെ പറ്റിയും മറ്റും തുറന്നു പറയുകയാണ് സത്യരാജ്. ദൈവത്തിലോ മതത്തിലോ ജാതിയിലോ താൻ വിശ്വാസിക്കുന്നില്ലെന്ന് സത്യരാജ് പറയുന്നു.
“ജീവിതത്തിൽ വളരെ കൂൾ ആയിട്ടുള്ള മനുഷ്യനാണ് ഞാൻ. ഒരു കാര്യത്തെ കുറിച്ചും എനിക്ക് വലിയ വിശ്വാസങ്ങൾ ഇല്ല. ദൈവത്തിലോ മതത്തിലോ ജാതിയിലോ ഞാൻ വിശ്വസിക്കുന്നില്ല. ആചാര അനുഷ്ഠാനങ്ങളെ കുറിച്ച് ചിന്തിക്കുന്നില്ല. അന്തരീക്ഷത്തിൽ ഒരു എനർജി ഉണ്ടെന്ന് നമ്മുക്ക് എങ്ങനെ പറയാൻ കഴിയും? എന്ത് തെളിവാണ് അതിന് ഉള്ളത്?
മനുഷ്യത്വം അതിന്റെ കൊടുമുടിയിൽ എത്തുന്ന സമയമാണ് യഥാർത്ഥ കമ്മ്യൂണിസം വർക്ക് ആവുന്നത്. കമ്മ്യൂണിസം എന്ന ചിന്തയിൽ എല്ലാവരും തുല്ല്യരാണ്, അവിടെ ജാതിയില്ല. പണക്കാരൻ പാവപ്പെട്ടവൻ എന്ന വേർതിരിവ് ഇല്ല. ലിംഗ വിവേചനമില്ല. തമിഴ് നാട്ടിലെ പെരിയാർ മൂവ്മെന്റ് എല്ലാം അതിന് ഉദാഹരണമാണ്. എന്നാൽ അത് നമ്മുടെ ജീവിതത്തിലേക്ക് കൊണ്ടുവരുന്നത് പ്രായോഗികമായി കുറച്ച് ബുദ്ധിമുട്ടുള്ള കാര്യമാണ്. കമ്മ്യൂണിസം എന്ന ചിന്തയാണ് എന്റെ രാഷ്ട്രീയം.” കൗമുദി മൂവീസിന് നൽകിയ അഭിമുഖത്തിൽ സത്യരാജ് പറഞ്ഞു.
റസൂൽ പൂക്കുട്ടി സംവിധാനം ചെയ്യുന്ന ഒറ്റയിൽ ആസിഫ് അലി, അർജുൻ അശോകൻ എന്നിവർക്കൊപ്പം സത്യരാജും ഒരു പ്രധാന വേഷം ചെയ്യുന്നുണ്ട്. ഇന്ദ്രജിത്ത് സുകുമാരൻ, രോഹിണി, ലെന, മംമ്ത മോഹൻദാസ്, ശ്യാമ പ്രസാദ്, ഇന്ദ്രൻസ് തുടങ്ങീ വമ്പൻ താരനിരയാണ് ചിത്രത്തിലുള്ളത്.
Read more
ഒക്ടോബർ 27 നാണ് ചിത്രം തിയേറ്ററുകളിൽ എത്തുന്നത്. ചിൽഡ്രൻ റീ യുണൈറ്റഡ് എൽഎൽപിയും റസൂൽ പൂക്കുട്ടി പ്രൊഡക്‌ഷൻസും ചേർന്നൊരുക്കുന്ന ഒറ്റയുടെ നിർമാതാവ് എസ്. ഹരിഹരൻ ആണ്
