‘ജൂണ്‍’ സിനിമയിലൂടെ അഭിനയരംഗത്തേക്ക് എത്തിയ നടിയാണ് നയന എല്‍സ. ‘മണിയറയിലെ അശോകന്‍’, ‘ഉല്ലാസം’ തുടങ്ങിയ സിനിമകളില്‍ എല്ലാം നയന എത്തിയിരുന്നു. താന്‍ നേരിടുന്ന സൈബര്‍ ആക്രമണങ്ങളെ കുറിച്ചാണ് നയന ഇപ്പോള്‍ തുറന്നു പറഞ്ഞിരിക്കുന്നത്.

തനിക്ക് കുറച്ച് ബബ്ലി ലുക്ക് ആണെന്ന് പറഞ്ഞാണ് പല വേഷങ്ങളും തരാതെ ഇരുന്നത്. അഭിനയിപ്പിച്ച് നോക്കുമ്പോള്‍ വേണ്ട രീതിയില്‍ പെര്‍ഫോം ചെയ്യാത്തത് കൊണ്ടാണു വേഷം ലഭിക്കാത്തതെങ്കില്‍ മനസ്സിലാക്കാം, പക്ഷെ ലുക്ക് മാത്രം നോക്കിയാണ് പലപ്പോഴും ഒഴിവാക്കുന്നത്.

ലുക്കിന്റെ പേരില്‍ റിജക്ട് ചെയ്യപ്പെടുമ്പോള്‍ വിഷമം തോന്നാറുണ്ട്. അതുകൊണ്ടാണ് ഇപ്പോള്‍ ഭാരം കുറച്ചിരിക്കുന്നത്. അതിനു ശേഷമാണ് ബോള്‍ഡ് ലുക്കില്‍ ഫോട്ടോഷൂട്ടുകള്‍ ചെയ്യാന്‍ തുടങ്ങിയത്. മോഡേണ്‍ ആയാലും നാടന്‍ കഥാപാത്രങ്ങള്‍ക്ക് ആയാലും നമ്മുടെ ലുക്കും ഹെയര്‍സ്‌റ്റൈലുമൊക്കെ കണ്ടാണ് സിനിമയിലേക്ക് വിളിക്കുന്നത്.

എല്ലാ വേഷങ്ങളും അഭിനയിച്ചു കാണിക്കാന്‍ നമുക്കു പറ്റില്ല. അതുകൊണ്ടാണ് നമ്മള്‍ പല ലുക്കിലുള്ള ഫോട്ടോഷൂട്ടുകള്‍ ചെയ്യുന്നത്. അത് കണ്ടിട്ടാവാം ചിലപ്പോള്‍ ഒരു സിനിമയില്‍ അവസരം കിട്ടുന്നത്. ബോളിവുഡ് സ്‌റ്റൈലിലെ സാരിയും റിപ്ഡ് ജീന്‍സും അണിഞ്ഞ ഫോട്ടോഷൂട്ടാണ് ഈയടുത്ത് ചെയ്തത്.

പക്ഷേ, സിനിമയില്ലാത്തതു കൊണ്ട് തുണിയൂരി തുടങ്ങിയല്ലേ എന്നാണ് ആളുകള്‍ ഫോട്ടോയ്ക്ക് താഴെ കമന്റ് ചെയ്തത്. ഇതൊന്നും ആരും ഒരിക്കലും കേള്‍ക്കാന്‍ ആഗ്രഹിക്കുന്ന കാര്യങ്ങളല്ല. താന്‍ എക്‌സ്‌പോസ് ചെയ്യുന്നു എന്നാണ് പറയുന്നത്. അതൊക്കെ ഓരോരുത്തരുടെ ഇഷ്ടമല്ലേ എന്നാണ് നയന മനോരമയക്ക് നല്‍കിയ അഭിമുഖത്തില്‍ പറയുന്നത്.