മണിരത്നം ഒരുക്കിയ ചിത്രം ‘പൊന്നിയിന്‍ സെല്‍വന് ശേഷം പ്രതിഫലമുയര്‍ത്തിയെന്ന തരത്തിലുള്ള അഭ്യൂഹങ്ങളോട് പ്രതികരിച്ച് നടി ഐശ്വര്യ ലക്ഷ്മി. താന്‍ പ്രതിഫലം വര്‍ധിപ്പിച്ചുവെന്ന തരത്തില്‍ പ്രചരിക്കുന്ന വാര്‍ത്തകള്‍ തെറ്റാണ്.
സിനിമ എന്നത് പൂര്‍ണ്ണമായി ഒരു സംവിധായകന്റെ സൃഷ്ടിയാണ്. ആവശ്യമായത് മാത്രമേ ചെയ്യുന്നുള്ളു എന്ന് താന്‍ ഉറപ്പ് നല്‍കുന്നതായും ഐശ്വര്യ ലക്ഷ്മി പറഞ്ഞു. തന്റെ പുതിയ ചിത്രമായ ‘ഗാട്ട കുസ്തി’യുടെ പ്രമോഷന്റെ ഭാഗമായി മനോരമയ്ക്ക് നല്‍കിയ അഭിമുഖത്തത്തിലാണ് നടിയുടെ പ്രതികരണം.
പൊന്നിയിന്‍ സെല്‍വനില്‍ പൂങ്കുഴലി എന്ന കഥാപാത്രത്തെയാണ് ഐശ്വര്യ ലക്ഷ്മി അവതരിപ്പിച്ചത്. ചിത്രത്തിന്റെ രണ്ടാം പകുതിയില്‍ മാത്രമാണ് കഥാപാത്രം പ്രത്യക്ഷപ്പെടുന്നതെങ്കിലും, ഐശ്വര്യയുടെ പ്രകടനം ഏറെ ശ്രദ്ധേയമായിരുന്നു.
Read more
2023 ഏപ്രിലിലാണ് സിനിമയുടെ രണ്ടാം ഭാഗം റിലീസ് ചെയ്യുന്നത്.അതേസമയം ഗാട്ട കുസ്തി ഡിസംബര്‍ രണ്ടിനാണ് തിയറ്ററുകളിലെത്തുക. വിഷ്ണു വിശാല്‍ നായകനാകുന്ന ചിത്രം ചെല്ല അയ്യാവുവാണ് സംവിധാനം ചെയ്യുന്നത്. ഗ്രാമീണ പശ്ചാത്തലത്തില്‍ ഒരുക്കുന്ന ഒരു സ്പോര്‍ട്സ് ഡ്രാമയാണ് ചിത്രം. റിച്ചാര്‍ഡ് എം നാഥന്‍ ആണ് ചിത്രത്തിന്റെ ഛായാഗ്രാഹണം നിര്‍വഹിക്കുന്നത്.
