മലയാളി പ്രേക്ഷകരുടെ പ്രിയ നടിയാണ് ആനി. 1993-ല്‍ ബാലചന്ദ്ര മേനോന്‍ സംവിധാനം ചെയ്ത “അമ്മയാണേ സത്യം” സിനിമയിലൂടെയാണ് ആനി അഭിനയരംഗത്തേക്ക് എത്തുന്നത്. ആനിയുടെ സിനിമാപ്രവേശത്തെ കുറിച്ചാണ് ബാലചന്ദ്ര മേനോന്‍ തുറന്നു പറഞ്ഞിരിക്കുന്നത്. അഭിനയിക്കാന്‍ വേണ്ടി ആയിരുന്നില്ല ആനി തന്റെ മുന്നില്‍ ആദ്യം എത്തിയത് എന്നാണ് ബാലചന്ദ്ര മേനോന്‍ പറയുന്നത്.
ആനിയുടേത് തീര്‍ത്തും അവിചാരിതമായ സിനിമാപ്രവേശമായിരുന്നു. അഭിനയിക്കാന്‍ വേണ്ടിയല്ല തന്നെ അഭിമുഖം ചെയ്യാനാണ് ആനി എത്തിയത്. പിന്നീടാണ് അമ്മയാണേ സത്യത്തില്‍ ആനിയെ നായികയാക്കുന്നത്. അതിന് പിന്നില്‍ മറ്റൊരു കഥ കൂടിയുണ്ടെന്ന് അദ്ദേഹം പറഞ്ഞു.
മൂന്ന് വര്‍ഷം മാത്രമാണ് ആനി സിനിമയില്‍ സജീവമായിരുന്നത്. 1996-ല്‍ സംവിധായകന്‍ ഷാജി കൈലാസുമായുള്ള പ്രണയവിവാഹത്തിന് ശേഷമാണ് ആനി സിനിമയില്‍ നിന്നും പിന്‍വാങ്ങിയത്. ബാലചന്ദ്രന്‍ മേനോന്‍ സിനിമയില്‍ കൊണ്ടു വന്ന മികച്ച നടിമാരില്‍ ഒരാളാണ് ആനി.
Read more
മിനിസ്‌ക്രീനില്‍ സജീവമാണ് ആനി ഇപ്പോള്‍. കുക്കറി ഷോ അവതരിപ്പിക്കുന്ന താരത്തിനെതിരെ അടുത്തിടെ ട്രോളുകളും വിമര്‍ശനങ്ങളും നിറഞ്ഞിരുന്നു. എന്നാല്‍ ഭാര്യയ്ക്ക് പൂര്‍ണ പിന്തുണയുമായി ഷാജി കൈലാസ് രംഗത്തെത്തിയിരുന്നു. ആനി തനിക്ക് ലഭിച്ച ഭാഗ്യമാണ് എന്നാണ് വിവാഹവാര്‍ഷിക ദിനത്തില്‍ ഷാജി കൈലാസ് കുറിച്ചത്.
