തെലുങ്കിലെ ഏറ്റവും വിലകൂടിയ താരങ്ങളിലൊരാളാണ് മഹേഷ് ബാബു. രാജമൗലിയെ പ്രശംസിച്ച് മഹേഷ് ബാബു പറഞ്ഞ വാക്കുകളാണ് ഇപ്പോൾ പ്രേക്ഷക ശ്രദ്ധനേടുന്നത്. രാജമൗലിക്കൊപ്പം പ്രവർത്തിക്കുന്നത് സ്വപ്ന സാഫല്യമാണെന്നാണ് നടൻ പറയുന്നത്. രാജമൗലിയുടെ ഒരു സിനിമ ചെയ്യുന്നത് ഒരേ സമയം 25 സിനിമ ചെയ്യുന്നത് പോലെയാണെന്നും മഹേഷ് പറഞ്ഞു. ഇ-ടൈംസിനോടായിരുന്നു നടന്റെ പ്രതികരണം.
തന്നെ സംബന്ധിച്ചിടത്തോളം രാജമൗലിക്കൊപ്പം സിനിമചെയ്യുന്നത് സ്വപ്നസാഫല്യം പോലെയാണ്. രാജമൗലിയുടെ ഒരു സിനിമയിൽ അഭിനയിക്കുക എന്നുപറഞ്ഞാൽ ഒരേസമയം 25 സിനിമകൾ ചെയ്യുന്നതുപോലെയാണ്. അദ്ദേഹത്തിന്റെ സിനിമകളിൽ ശാരീരികമായി വെല്ലുവിളികൾ ഏറ്റെടുക്കേണ്ടതായി വരും. പക്ഷെ താൻ അതിനായി വളരെ ആകാംക്ഷയിലാണ്.
ഇതൊരു പാൻ ഇന്ത്യൻ ചിത്രമായിരിക്കും. പല തടസങ്ങളും ഭേദിച്ച് രാജ്യത്തെമ്പാടുമുള്ള പ്രേക്ഷകർക്ക് മുന്നിലേക്ക് സിനിമയെത്തിക്കുമെന്നും അദ്ദേഹം പറഞ്ഞു. ഇന്ത്യയിലെമ്പാടും വമ്പൻ ഹിറ്റായിമാറിയ ആർആർആറിന് ശേഷം രാജമൗലി ഒരുക്കുന്ന ചിത്രത്തിൽ മഹേഷ് ബാബു നായകനായേക്കും എന്നുള്ള വാർത്തകൾ വന്നിരുന്നു. ഇതിനുപിന്നാലെയാണ് നടന്റെ പ്രതികരണം.
Read more
ആഫ്രിക്കൻ കാടുകളിൽ നടക്കുന്ന ഒരു അഡ്വഞ്ചർ ചിത്രമാകും ഇതെന്നും റിപ്പോർട്ടുകളുണ്ട്. എന്നാൽ ചത്രത്തിന്റെ മറ്റു താരങ്ങളുടെയോ അണിയറ പ്രവർത്തകരുടെയോ വിവരങ്ങൾ പുറത്ത് വിട്ടിട്ടില്ല.
