താന്‍ നയന്‍താരയെ വിമര്‍ശിച്ചിട്ടില്ലെന്ന് മാളവിക മോഹനന്‍. ‘ലേഡി സൂപ്പര്‍സ്റ്റാര്‍’ എന്ന വിശേഷണത്തിന് എതിരെ മാളവിക രംഗത്തെത്തിയിരുന്നു. ഒരു അഭിമുഖത്തിനിടെയാണ് നായികമാരെ ലേഡി സൂപ്പര്‍സ്റ്റാര്‍ എന്ന് വിളിക്കാതെ സൂപ്പര്‍ സ്റ്റാര്‍ എന്ന് വിളിച്ചാല്‍ മതിയെന്ന് മാളവിക പറഞ്ഞത്.
”ലേഡി സൂപ്പര്‍ സ്റ്റാര്‍ എന്ന പ്രയോഗം തന്നെ ഇഷ്ടമല്ല. നായകന്മാരെ എന്നപോലെ നായികമാരെയും സൂപ്പര്‍ സ്റ്റാര്‍ എന്ന് വിളിക്കുന്ന സാഹചര്യമുണ്ടാവണം. ലേഡി സൂപ്പര്‍സ്റ്റാര്‍ എന്നാലെന്താണ്? അതിലെ ലേഡിയുടെ ആവശ്യമില്ല. ദീപികാ പദുക്കോണിനേയും ആലിയാ ഭട്ടിനേയും കത്രീനാ കൈഫിനെയുമെല്ലാം സൂപ്പര്‍ സ്റ്റാര്‍ എന്നല്ലേ വിളിക്കുന്നത്” എന്നായിരുന്നു മാളവികയുടെ പരാമര്‍ശം.
ഇതോടെ രൂക്ഷ വിമര്‍ശനമാണ് നയന്‍താരയുടെ ആരാധകരില്‍ നിന്നും മാളവികയ്ക്ക് നേരെ ഉയരുന്നത്. ഇതോടെയാണ് പരാമര്‍ശത്തില്‍ വിശദീകരണവുമായി മാളവിക രംഗത്തെത്തിയത്. തന്റെ അഭിപ്രായം നടിമാരെ വിശേഷിപ്പിക്കാന്‍ ഉപയോഗിക്കുന്ന ഒരു പദത്തെ കുറിച്ചാണ്, അല്ലാതെ ഏതെങ്കിലും പ്രത്യേക നടിയെ കുറിച്ചല്ലെന്ന് മാളവിക പറയുന്നു.
”ഞാന്‍ നയന്‍താരയെ ശരിക്കും ബഹുമാനിക്കുകയും ആരാധിക്കുകയും ചെയ്യുന്നു. ഒരു സീനിയര്‍ എന്ന നിലയില്‍ അവരുടെ അവിശ്വസനീയമായ യാത്രയെ ഞാന്‍ ശരിക്കും നോക്കിക്കാണുന്നു” എന്ന് മാളവിക സോഷ്യല്‍ മീഡിയയിലൂടെ വ്യക്തമാക്കി.
My comment was about a term that is used to describe female actors & not about any specific actor. I really respect & admire Nayanthara, and as a senior really look upto her incredible journey. Can people please calm down. Especially the tabloid journos.
Only ♥️ to Miss N https://t.co/QyrfqOoJWU
— Christy (@MalavikaM_) February 12, 2023
Read more
അതേസമയം, നേരത്തെ മാളവിക നയന്‍താരയ്‌ക്കെതിരെ രംഗത്തെത്തിയതും വാര്‍ത്തകളില്‍ ഇടം നേടിയിരുന്നു. ‘രാജ റാണി’ സിനിമയിലെ ആശുപത്രി രംഗങ്ങളില്‍ വരെ മേക്കപ്പിട്ട് അഭിനയിച്ചു എന്ന് പറഞ്ഞായിരുന്നു മാളവികയുടെ വിമര്‍ശനം. ഇതിന് എതിരെ നയന്‍താര രംഗത്തെത്തിയിരുന്നു.
