ചിരഞ്ജീവി സര്‍ജയുടെ വേദനയില്‍ കഴിഞ്ഞിരുന്ന മേഘ്‌ന രാജിന്റെ കുടുംബത്തില്‍ സന്തോഷം നിറച്ചാണ് ജൂനിയര്‍ ചിരു എത്തിയത്. സംഭവിച്ചതെല്ലാം ഒരു ദുഃസ്വപ്‌നമാണെന്ന് കരുതാനാണ് താത്പര്യം എന്നാണ് മേഘ്‌ന പറയുന്നത്. കൗമുദി ഫ്‌ളാഷ് മൂവീസിനോടാണ് താരം പ്രതികരിച്ചിരിക്കുന്നത്.
തന്റെ ജീവിതം തിരിച്ചറിഞ്ഞതും തന്നെ പൂര്‍ണമായി മനസിലാക്കിയതും ചിരു മാത്രമാണ്. ചിരു പോയിട്ടും എല്ലാ ദിവസവും തങ്ങള്‍ കാണുന്നുണ്ട്. സംഭവിച്ചതെല്ലാം ഒരു ദുഃസ്വപ്നമെന്ന് കരുതാനാണ് താത്പര്യം. നമുക്ക് വീട്ടില്‍ പോവാമെന്ന് തന്നോട് പറയും എന്നാണ് മേഘ്‌ന പറയുന്നത്.
.jpg)
കഴിഞ്ഞ വര്‍ഷം ജൂണ്‍ 7ന് ആയിരുന്നു കന്നട താരമായ ചിരഞ്ജീവി സര്‍ജയുടെ അപ്രതീക്ഷിത മരണം. മേഘ്‌ന നാല് മാസം ഗര്‍ഭിണി ആയിരിക്കവെ ആയിരുന്നു താരത്തിന്റെ വിയോഗം. ചിരുവിനോട് എല്ലാ ദിവസവും വഴക്ക് കൂടാറുണ്ട്. ഇപ്പോവും വഴക്ക് കൂടണമെന്ന് തോന്നുന്നുണ്ട്.
Read more
സുഹൃത്തുക്കളെ കുടുംബത്തെ പോലെയാണ് ചിരു കാണുന്നത്. ചിരുവിന്റെ മരണശേഷമാണ് സൗഹൃദത്തിന്റെ വില അറിയുന്നത്.വിഷമഘട്ടത്തില്‍ കൂടെ നില്‍ക്കുകയും ജീവിതത്തിലേക്ക് തിരികെ വരുന്നതിന് ആശ്വാസം പകരുകയും ചെയ്ത ചിരുവിന്റെയും തന്റെയും സുഹൃത്തുക്കള്‍ എല്ലാവരും തന്നെ ചേര്‍ത്തു പിടിച്ചുവെന്നും മേഘ്‌ന പറഞ്ഞു.
