തന്റെ കൂടെയുള്ള ജാതിവാൽ കേവലമൊരു പേര് മാത്രമാണെന്നും അതിനെയൊരു ജാതിയായിട്ടോ, വാൽ ആയിട്ടോ താൻ കാണുന്നില്ലെന്ന് അനൂപ് മേനോൻ. അതുകൊണ്ട് തന്നെ മേനോൻ എന്നത് കട്ട് ചെയ്യാൻ തനിക്ക് തോന്നിയിട്ടില്ലെന്നും താൻ അതിൽ വിശ്വസിക്കുന്നില്ലെന്നും അനൂപ് മേനോൻ പറയുന്നു.
“ഹ്യുമാനിറ്റിയില്‍ മാത്രം വിശ്വസിക്കുന്ന ആളാണ് ഞാന്‍. അനൂപ് മേനോന്‍ എന്ന പേരില്‍ മേനോന്‍ എന്നത് ഞാനൊരു പേരായിട്ട് മാത്രമാണ് കാണുന്നത്. ഞാന്‍ അത് വാലായിട്ടോ ജാതി പേരായിട്ടോ കാണുന്നില്ല. അത് കട്ട് ചെയ്യാനും എനിക്ക് തോന്നിയിട്ടില്ല. ഞാന്‍ അതില്‍ വിശ്വസിക്കുന്നില്ല എന്നതാണ് കാര്യം.” അനൂപ് മേനോൻ പറയുന്നു.
താന്‍ കല്യാണം കഴിച്ചിരിക്കുന്നത് മറ്റൊരു ജാതിയില്‍ നിന്നാണെന്നും, തനിക്ക് അതൊരു പ്രശ്‌നമായി തോന്നിയിട്ടില്ലെന്നും പറഞ്ഞ അനൂപ് മേനോൻ, ഒരു പരമ്പരാഗത വിവാഹ രീതിയില്‍ ആയിരുന്നില്ല തന്റെ വിവാഹം നടന്നതെന്നും കൂട്ടിചേർത്തു. പിന്നെ കമ്യൂണിസത്തേക്കാള്‍ ഏറെ ഞാന്‍ വിശ്വസിക്കുന്നത് ഹ്യുമാനിസത്തിലാണ്. ദൈവ സങ്കല്‍പത്തിലാണെങ്കിലും മത സങ്കല്‍പത്തിലാണെങ്കിലും എനിക്ക് അത്രയും നിശിദ്ധമായ കാഴ്ച്ചപ്പാടാണ് ഉള്ളത്.
ഞാന്‍ മറ്റുള്ളവരെ ബഹുമാനിക്കുന്നുണ്ട്. അവര്‍ പ്രാര്‍ത്ഥിക്കുന്നുണ്ടെങ്കില്‍ പ്രാര്‍ത്ഥിക്കട്ടെ, അതൊന്നും ഒരിക്കലും തെറ്റല്ല. ഇപ്പോള്‍ ദൈവ ഭയം എന്ന സാധനമില്ലെങ്കില്‍ നമ്മളൊക്കെ ബാര്‍ബേറിയന്‍സായി പോകും. വലിയ പ്രവാചകന്മാരൊക്കെ നമ്മള്‍ കാടന്മാരായി പോവാതിരിക്കാനാകും ഇത് ഉണ്ടാക്കിയത്. എന്തിനെയെങ്കിലും പേടിക്കണ്ടേ.” സില്ലി മോങ്ക്സിന് നൽകിയ അഭിമുഖത്തിൽ അനൂപ് മേനോൻ പറയുന്നു.
Read more
അതെസമയം നവാഗതനായ രതീഷ് ശേഖർ സംവിധാനം ചെയ്ത ‘ചെക്ക്മേറ്റ്’ ആണ് താരത്തിന്റെ ഏറ്റവും പുതിയ ചിത്രം. മൈൻഡ് ഗെയിം ത്രില്ലർ ഴോൺറെയിലാണ് ചിത്രമൊരുങ്ങുന്നത്. ഫിലിപ്പ് കുര്യൻ എന്ന കഥാപാത്രമായാണ് ചിത്രത്തിൽ അനൂപ് മേനോൻ എത്തുന്നത്.
