ടെലിവിഷന്‍ പ്രേക്ഷകരുടെ പ്രിയ താരങ്ങളാണ് സാജന്‍ സൂര്യയും രാജേഷ് ഹെബ്ബാറും. ഇരുവരും ചേര്‍ന്ന് ഏഷ്യാനെറ്റിലെ ഷോയില്‍ നടത്തിയ ടൗവല്‍ ഡാന്‍സ് വൈറലായിരുന്നു. ഇപ്പോഴിതാ ഇതേക്കുറിച്ച് സാജന്‍ ഒരു അഭിമുഖത്തില്‍ കാര്യങ്ങളാണ് ശ്രദ്ധേയമാകുന്നത്.

ഞാന്‍ നല്ല ഇമേജില്‍ നില്‍ക്കുമ്പോഴാണ് ഭാര്യ എന്ന സീരിയല്‍ ചെയ്യുന്നത്. അതില്‍ മോശം ഇമേജായിരുന്നു. ആ സീരിയല്‍ തീര്‍ന്ന സമയത്താണ് ടൗവല്‍ ഡാന്‍സ് വരുന്നത്. കാറില്‍ ഡ്രൈവ് ചെയ്ത് കൊണ്ടിരിക്കുമ്പോഴാണ് ഏഷ്യാനെറ്റില്‍ നിന്നും വിളി വന്നു.

ടൗവല്‍ ഡാന്‍സ് ചെയ്യുമോ എന്ന് ചോദിച്ച്. വീട്ടില്‍ ചോദിക്കണമെന്ന് ഞാന്‍ പറഞ്ഞു. രണ്ട് പെണ്‍കുട്ടികളാണ് എനിക്ക്. അവര്‍ക്ക് അത്യാവശ്യം പ്രായമായി. പുറത്തിറങ്ങുമ്പോള്‍ അവരെ കളിയാക്കാന്‍ പാടില്ല. ഭാര്യയും ഡാന്‍സിനും മറ്റും പോവുന്ന സമയത്ത് മോശമാവാന്‍ പാടില്ല. കൂടെ ആരാണെന്ന് ചോദിച്ചപ്പോള്‍ രാജേഷ് ഹെബ്ബാറാണെന്ന് പറഞ്ഞു.

വീട്ടില്‍ ചോദിച്ചപ്പോള്‍ കളിച്ചോ കുഴപ്പമാെന്നുമില്ലെന്ന് പറഞ്ഞു.’രാജേഷേട്ടനും വീട്ടില്‍ ചോദിച്ചു. ഭാര്യയോട് ചോദിച്ചപ്പോള്‍ സാജനില്ലേ കൂടെ ധൈര്യമായി ചെയ്‌തോയെന്ന് പറഞ്ഞു. പിന്നെ രണ്ടും കല്‍പ്പിച്ചുള്ള പരിപാടിയായിരുന്നു. ഭയങ്കര രസമായി, ചിരിച്ച് മണ്ണ് കപ്പി എന്ന് എല്ലാവരും പറഞ്ഞു. ഒരിക്കല്‍ കൂടെ ചെയ്യാന്‍പറഞ്ഞാല്‍ എന്നെക്കാെണ്ട് പറ്റില്ല. -സാജന്‍ സൂര്യ കൂട്ടിച്ചേര്‍ത്തു.