ആരാധകരുമായി സംവദിക്കുന്ന നടന്മാരിലൊരാളാണ് ഷാരൂഖ് ഖാന്‍. നടന് ട്വിറ്ററില്‍ ആരാധകരുടെ ചോദ്യങ്ങള്‍ക്ക് മറുപടി നല്‍കുന്ന പതിവുണ്ട്. ക്രിസ്മസ് ആഘോഷങ്ങള്‍ക്കിടെ #asksrk എന്ന ഹാഷ്ടാഗില്‍ ചോദ്യങ്ങള്‍ ചോദിച്ച ആരാധകര്‍ക്ക് ഷാരൂഖ് മറുപടി നല്‍കിയിട്ടുണ്ട്.
ശരീരഭാരം എത്രയാണെന്നും കഴിച്ച ആഹാരവും പോലുള്ള ലളിതമായ ചോദ്യങ്ങള്‍ക്കാണ് നടന് മറുപടിയുമായി എത്തിയിരിക്കുന്നത്. ശരീരഭാരം 70 കിലോഗ്രാമിന് സ്വല്‍പം താഴെ എന്നായിരുന്നു ഷാരൂഖ് ഖാന്റെ മറുപടി. ഇന്ന് എന്താണ് കഴിച്ചതെന്ന ചോദ്യത്തിന് ദാല്‍ ചാവല്‍ എന്ന് മറുപടി വന്നു.
മെസി വേള്‍ഡ് കപ്പ് നെടിയപ്പോള്‍ എന്തു തോന്നി എന്നായിരുന്നു ഇരുവരുടെയും ആരാധകനായ ഒരാളുടെ ചോദ്യം. ഒപ്പം ഷാരൂഖ് ഒരു മെസി ഫാന്‍ ആണോ എന്നും. ആരാണ് അല്ലാത്തത് എന്ന മറുചോദ്യമായിരുന്നു ഷാരൂഖിന്റെ മറുപടി.
Read more
ചലച്ചിത്ര മേഖലയ്ക്ക് നല്‍കിയ സംഭാവനകള്‍ പരിഗണിച്ച് സൗദി അറേബ്യ റെഡ് സീ ഫിലിം ഫെസ്റ്റിവല്‍ വേദിയില്‍ ഷാരൂഖ് ഖാനെ ആദരിച്ചത് അടുത്തിടെയാണ്. നാല് വര്‍ഷങ്ങള്‍ക്ക് ശേഷം സിനിമയില്‍ സജീവമാകാന്‍ ഒരുങ്ങുകയാണ് ഷാരൂഖ് ഖാന്‍. ‘ജവാന്‍’, ‘പത്താന്‍’, ‘ഡങ്കി’ എന്നീ ചിത്രങ്ങള്‍ ആണ് ഷാരൂഖിന്റേതായി അണിയറയില്‍ ഉള്ളത്.
