‘ജാൻ- ഏ- മൻ’ എന്ന സൂപ്പർ ഹിറ്റ് ചിത്രത്തിന് ശേഷം ചിദംബരം സംവിധാനം ചെയ്യുന്ന ഏറ്റവും പുതിയ ചിത്രമാണ് ‘മഞ്ഞുമ്മൽ ബോയ്സ്’. സൗബിൻ ഷാഹിർ, ശ്രീനാഥ് ഭാസ ബാലു വർഗീസ്, ഗണപതി, ലാൽ ജൂനിയർ, അഭിറാം രാധാകൃഷ്‌ണൻ, ദീപക് പറമ്പോൽ, ഖാലിദ് റഹ്‌മാൻ, അരുൺ കുര്യൻ, വിഷ്‌ണു രഘു തുടങ്ങീ യുവതാരനിരയാണ് ചിത്രത്തിൽ അണിനിരക്കുന്നത്.
ഇപ്പോഴിതാ ചിത്രത്തെ കുറിച്ച് സംസാരിക്കുകയാണ് ശ്രീനാഥ് ഭാസി. തന്റെ ജീവിതത്തിലെ മോശം സമയത്ത് കൂട്ടുകാർ തന്ന സമ്മാനമാണ് മഞ്ഞുമ്മൽ ബോയ്സ് എന്നാണ് ശ്രീനാഥ് ഭാസി പറയുന്നത്. അത്തരമൊരു ചിത്രത്തിന്റെ ഭാഗമാവാൻ കഴിഞ്ഞതിൽ താൻ ഭാഗ്യവാനാണെന്നും ശ്രീനാഥ് ഭാസി പറയുന്നു.
“എന്നെ സംബന്ധിച്ച് വലിയൊരു സിനിമയാണ് അത്. എൻ്റെ കൂട്ടുകാർ എനിക്ക് തന്ന ഒരു ഗിഫ്റ്റാണ് ആ സിനിമ. അതിൽ കൂടുതൽ ഒന്നും എനിക്ക് പറയാനില്ല. അങ്ങനെയൊരു സിനിമയുടെ പാർട്ടാവാൻ കഴിഞ്ഞതിൽ അത്രക്ക് ബ്ലെസ്‌ഡാണ് ഞാൻ.
Read more
ഞാൻ വല്ലാത്തൊരു അവസ്ഥയിൽ ആയിരുന്നു ആ സമയത്ത്. എന്നെ ഒരു സിനിമയിൽ നിന്ന് എടുത്തു മാറ്റിയതായിരുന്നു. അങ്ങനെ നിൽക്കുമ്പോൾ എന്റെ കൂട്ടുകാർ എനിക്ക് തന്ന സിനിമയാണ് മഞ്ഞുമ്മൽ ബോയ്സ്. ഐ ആം ഗ്രേറ്റ്ഫുൾ റ്റു ഓൾ മൈ ബോയ്സ്.” എന്നാണ് ഫിൽമിബീറ്റിന് നൽകിയ അഭിമുഖത്തിൽ ശ്രീനാഥ് ഭാസി പറഞ്ഞത്.
