നടൻ ഇമ്രാൻ ഹാഷ്മിയെയും തനുശ്രീ ദത്തയെയും അറിയാത്ത സിനിമ പ്രേമികളുണ്ടാവില്ല. 2005-ൽ പുറത്തിറങ്ങിയ ‘ആഷിഖ് ബനായ ആപ്‌നേ’ എന്ന ചിത്രത്തിലൂടെ ഇന്ത്യൻ സിനിമാലോകത്ത് തരംഗം സൃഷ്ടിച്ച രണ്ട് താരങ്ങളാണ് ഇരുവരും. ഹിമേഷ് രേശമ്യ സംഗീതം നിർവഹിച്ച ‘ആഷിഖ് ബാനായാ’ എന്നുതുടങ്ങുന്ന ഗാനവും അതിലെ ചുംബനരംഗങ്ങളും ഹിറ്റ്ലിസ്റ്റിൽ ഇടംപിടിച്ചവയാണ്.
അരങ്ങേറ്റ ചിത്രത്തിനുശേഷം ‘ചോക്ലേറ്റ്: ഡീപ് ഡാർക്ക് സീക്രട്ട്‌സ്’, ‘ഗുഡ് ബോയ് ബാഡ് ബോയ്’ എന്നീ ചിത്രങ്ങളിലും ഇമ്രാൻ ഹാഷ്മിയോടൊപ്പം തനുശ്രീ ദത്ത വെള്ളിത്തിരയിലെത്തി. ആ ചിത്രങ്ങളിലെ ചുംബന രംഗങ്ങളും ആരാധകർ ഏറ്റെടുത്തിരുന്നു.
എന്നാൽ ഇപ്പോഴിതാ ഇമ്രാൻ ഹാഷ്മി ഒരു കംഫർട്ടബിൾ കിസ്സർ അല്ലെന്നാണ് തനുശ്രീ ദത്ത പറയുന്നത്. ചോക്ലേറ്റ് സിനിമയിൽ മറ്റൊരു ചുംബനരംഗം ഉണ്ടായിരുന്നെന്നും എന്നാൽ അത് പുറത്തുവിട്ടില്ലെന്നുമാണ് തനുശ്രീ പറയുന്നത്.
Read more
“ഞങ്ങൾ ചോക്ലേറ്റ് സിനിമയിലും ഒരു ചുംബന രംഗം ചെയ്തിരുന്നു, പക്ഷേ അവർ അത് ഉൾപ്പെടുത്തിയില്ല. ആദ്യമായി ചെയ്തപ്പോൾ അത് വളരെ അരോചകമായിരുന്നു. രണ്ടാം തവണ ആയപ്പോൾ അസ്വസ്ഥത കുറഞ്ഞു. കാരണം, വ്യക്തിപരമായി, യഥാർത്ഥ ജീവിതത്തിൽ, ഞങ്ങൾക്കിടയിൽ ഒരു കെമിസ്ട്രി ഇല്ല. ഇമ്രാന് ഒരു കിസ്സർ ബോയ് ഇമേജ് ഉണ്ട്, എന്നാൽ അദ്ദേഹം ഒരു കംഫർട്ടബിൾ കിസ്സർ അല്ല. അതുപോലെ ഞാനും അല്ല” ഫിൽമി ഗ്യാൻ എന്ന ബോളിവുഡ് മാധ്യമത്തിന് നൽകിയ അഭിമുഖത്തിലാണ് തനുശ്രീ ദത്ത ഇമ്രാൻ ഹാഷ്മിയെ പറ്റി സംസാരിച്ചത്.
