നടൻ ടോവിനോയുടെ നിഞ്ച ട്രെയിനിങ് വീഡിയോ സോഷ്യൽ മീഡിയയിൽ വൈറലാകുന്നു. നിഞ്ച യോദ്ധാവായി വാളുമായി പരിശീലനം നടത്തുന്ന വീഡിയോ ടോവിനോ തന്നെയാണ് സോഷ്യൽ മീഡിയയിൽ പങ്കുവച്ചത്.
ജിം എന്ന് തോന്നിപ്പിക്കുന്ന ഒരു ഹാളിൽ നിന്നാണ് ടോവിനോ പരിശീലനം നടത്തുന്നത് എന്ന് വീഡിയോയിലൂടെ മനസിലാക്കാം. ‘നിഞ്ച ട്രെയ്നിങ്: ബനാന പീൽസ് എന്നെന്നേക്കും ഒഴിവാക്കുന്നു’ എന്ന അടിക്കുറിപ്പോടെയാണ് വീഡിയോ പങ്കുവച്ചിരിക്കുന്നത്.
എന്നാൽ ഈ പരിശീലനം ഏതെങ്കിലും സിനിമയ്ക്ക് വേണ്ടിയാണോ എന്നതാണ് കമന്റ് ബോക്സിലെ പലരുടെയും സംശയം. എന്തോ വരാനിരിക്കുന്നു, ഏതോ ഒരു തീപ്പൊരി ഐറ്റം ലോഡിങ് ആണ്, രാമനാഥനു ഇതും വശമുണ്ടോ എന്നൊക്കെയുള്ള രസകരമായ കമന്റ്സ് ആണ് വീഡിയോയ്ക്ക് താഴെ വന്നുകൊണ്ടിരിക്കുന്നത്.
അതേസമയം ടൊവിനോ തോമസിനെ നായകനാക്കി ഡാര്‍വിന്‍ കുര്യാക്കോസ് സംവിധാനം ചെയ്യുന്ന ‘അന്വേഷിപ്പിൻ കണ്ടെത്തും’ എന്ന ചിത്രം ഫെബ്രുവരി 9 ന് ചിത്രം റിലീസ് ചെയ്യുമെന്നാണ് ഏറ്റവും പുതിയ അപ്ഡേറ്റ്. ഇൻവെസ്റ്റിഗേഷൻ ത്രില്ലർ ഴോണറിലാണ് ചിത്രം ഒരുങ്ങുന്നത്.
ജിനു വി എബ്രഹാം ആണ് ചിത്രത്തിന് തിരക്കഥ ഒരുക്കുന്നത്. തീയേറ്റര്‍ ഓഫ് ഡ്രീംസും സരിഗമയും ചേര്‍ന്നാണ് ചിത്രം നിര്‍മ്മിക്കുന്നത്. വമ്പന്‍ ബജറ്റിലൊരുങ്ങുന്ന ചിത്രം ടൊവിനോയുടെ കരിയറിലെ തന്നെ വലിയ പ്രോജക്റ്റുകളിലൊന്നാണ്.
സിദ്ദിഖ്, ഹരിശ്രീ അശോകന്‍, പ്രേം പ്രകാശ്, പ്രമോദ് വെളിയനാട്, വിനീത് തട്ടില്‍, രാഹുല്‍ രാജഗോപാല്‍, ഇന്ദ്രന്‍സ്, സിദ്ദിഖ്, ഷമ്മി തിലകന്‍, കോട്ടയം നസീര്‍, മധുപാല്‍, അസീസ് നെടുമങ്ങാട്, വെട്ടുകിളി പ്രകാശന്‍, സാദിഖ്, ബാബുരാജ്, അര്‍ത്ഥന ബിനു, രമ്യ സുവി, ശരണ്യ എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്.
Read more
എഴുപതോളം മികച്ച താരങ്ങള്‍ അണിനിരക്കുന്ന ചിത്രത്തില്‍ പുതുമുഖ നായികമാരും അഭിനയിക്കുന്നുണ്ട്. പതിവ് ഇന്‍വെസ്റ്റിഗേഷന്‍ ഫോര്‍മുലയില്‍ നിന്ന് മാറി, അന്വേഷകരുടെ കഥയാണ് സിനിമ സംസാരിക്കുന്നത്.
