നാഗചൈതന്യയുടെ വിവാഹത്തിന് മുമ്പ് എന്‍ഗേജ്‌മെന്റിന് ഒരുങ്ങി അഖില്‍ അക്കിനേനി. നാഗചൈതന്യയുടെയും നടി ശോഭിത ധുലിപാലയുടെയും വിവാഹം ഡിസംബറില്‍ നടക്കാനിരിക്കവെയാണ് പുതിയ വിശേഷം നാഗാര്‍ജുന പങ്കുവച്ചിരിക്കുന്നത്. നാഗാര്‍ജുനയുടെ ഇളയ മകന്‍ അഖില്‍ അക്കിനേനിയും സൈനബ് റാവ്ജിയുമായുള്ള വിവാഹനിശ്ചയമാണ് ആദ്യം നടക്കാന്‍ പോകുന്നത്.
എക്‌സില്‍ പങ്കുവെച്ച കുറിപ്പിലൂടെയാണ് അഖിലിന്റെ വിവാഹനിശ്ചയത്തെ കുറിച്ച് നാഗാര്‍ജുന അറിയിച്ചത്. ”ഞങ്ങളുടെ മകന്‍ അഖില്‍ അക്കിനേനിയും മരുമകള്‍ സൈനബ് റാവ്ജിയുമായുള്ള വിവാഹനിശ്ചയത്തില്‍ അതിയായ സന്തോഷമുണ്ട്” എന്നാണ് ചിത്രങ്ങള്‍ പങ്കുവച്ച് നാഗാര്‍ജുന കുറിച്ചത്.
We are thrilled to announce the engagement of our son, @AkhilAkkineni8, to our daughter in law to be Zainab Ravdjee!
We couldn’t be happier to welcome Zainab into our family. Please join us to congratulate the young couple and wish them a lifetime filled with love, joy, and… pic.twitter.com/5KM7BU00bz
— Nagarjuna Akkineni (@iamnagarjuna) November 26, 2024
അതേസമയം, 2016ല്‍ ശ്രിയ ഭൂപാലുമായി അഖിലിന്റെ വിവാഹനിശ്ചയം കഴിഞ്ഞിരുന്നു. എന്നാല്‍ പിന്നീട് ഇരുവരും വിവാഹത്തില്‍ നിന്നും പിന്മാറി. ശ്രിയ അപ്പോളോ ചെയര്‍മാന്‍ ആയ പ്രതാപ് റെഡ്ഡിയുടെ ചെറുമകന്‍ അനിന്തിത് റെഡ്ഡിയെയാണ് വിവാഹം ചെയ്തത്.
Read more
നടന്‍ നാഗചൈതന്യയുടെയും നടി ശോഭിത ധുലിപാലയുടെയും വിവാഹം ഡിംസബര്‍ നാലിന് ഹൈദരാബാദില്‍ വച്ച് നടക്കുമെന്ന വിവരം കഴിഞ്ഞ ദിവസം പുറത്തുവന്നിരുന്നു. ഓഗസ്റ്റിലായിരുന്നു ഇരുവരുടേയും വിവാഹനിശ്ചയം. ഹൈദരാബാദിലെ അന്നപൂര്‍ണ സ്റ്റുഡിയോയായിരിക്കും വിവാഹവേദി എന്നാണ് സൂചന.
