സംവിധായകന് പാ രഞ്ജിത്ത് ജാതി സംഘര്ഷമുണ്ടാക്കാന് ശ്രമിച്ചതായി പരാതി. തമിഴ്നാട്ടില് കോളിളക്കം സൃഷ്ടിച്ച ദീപക് രാജയുടെ കൊലപാതകവുമായി ബന്ധപ്പെട്ട് പാ രഞ്ജിത്ത് പങ്കുവെച്ച പോസ്റ്റിന് പിന്നാലെയാണ് പൊലീസില് പരാതി എത്തുന്നത്.
ദീപക് രാജയുടെ കൊലപാതകം ജാതീയമായ പ്രശ്നങ്ങള്ക്ക് കാരണമായിരുന്നു. ഇതുമായി ബന്ധപ്പെട്ട സംവിധായകന്റെ പോസ്റ്റ് സോഷ്യല് മീഡിയയില് വലിയ വിവാദങ്ങള്ക്ക് വഴി തെളിച്ചിരുന്നു. ബാല മുരളി എന്നയാളാണ് സംവിധായകന് എതിരെ പരാതി നല്കിയത്.
പാ രഞ്ജിത്തിന്റെ പോസ്റ്റ് തമിഴ്നാട്ടിലെ തെക്കന് ജില്ലകളില് ജാതി സംഘര്ഷമുണ്ടാക്കാന് കാരണമായി എന്നാണ് പരമക്കുടി ഡിഎസ്പി ശബരീനാഥന് ലഭിച്ച പരാതിയില് പറയുന്നത്. നെല്ലി-തിരുച്ചെന്തൂര് റോഡിലെ റസ്റ്റോറന്റില് ഭക്ഷണം കഴിക്കാന്നതിനിടെ ആറംഗ സംഘം ദീപക് രാജയെ വെട്ടിക്കൊലപ്പെടുത്തുകയായിരുന്നു.
സംഭവം തെക്കന് ജില്ലകളില് സംഘര്ഷാവസ്ഥ സൃഷ്ടിച്ചിരുന്നു. ഈ സാഹചര്യത്തിലാണ് രഞ്ജിത്തിന്റെ പോസ്റ്റ് ചര്ച്ചയായത്. ഇതിന് മുമ്പും പാ രഞ്ജിത്തിന്റെ രാഷ്ട്രീയ നിലപാടുകള് പറഞ്ഞു കൊണ്ടെത്തിയ പോസ്റ്റുകള് വിവാദമായി മാറിയിരുന്നു.