അഭിമുഖങ്ങളില്‍ തുറന്നുസംസാരിക്കുന്ന പ്രകൃതമാണ് ധ്യാന്‍ ശ്രീനിവാസന്റേത്. ഇത് പല വിവാദങ്ങളിലും നടനെ എത്തിച്ചിട്ടുമുണ്ട്. ഇപ്പോഴിതാ
അച്ഛന്‍ ശ്രീനിവാസന്‍ തന്റെ അഭിമുഖങ്ങള്‍ കാണാറുണ്ട് എന്ന് പറയുകയാണ് ധ്യാന്‍. അഭിമുഖങ്ങള്‍ കണ്ട് അച്ഛന് തന്നോടുള്ള നിലപാടില്‍ മാറ്റം വന്നിട്ടുണ്ടെന്നും ധ്യാന്‍ പറയുന്നു.

വനിതയ്ക്ക് നല്‍കിയ ഏറ്റവും പുതിയ അഭിമുഖത്തിലാണ് ധ്യാന്‍ ഇക്കാര്യം പറഞ്ഞത്. തന്റെ വൈറല്‍ അഭിമുഖങ്ങളെ അച്ഛന്‍ എങ്ങനെ നോക്കി കാണുന്നു എന്ന ചോദ്യത്തിനായിരുന്നു ധ്യാനിന്റെ മറുപടി.
അച്ഛന് എന്നോടുള്ള നിലപാടില്‍ ചെറിയ മാറ്റം വന്നിട്ടുണ്ട് എന്നാണ് അമ്മ പറയുന്നത് .

അതില്‍ എന്റെ ഇത്തരം ഇന്റര്‍വ്യൂസിന് വലിയ പങ്കുണ്ട്. കുട്ടികള്‍ കാര്‍ട്ടൂണ്‍ കാണുന്നതു പോലെ അച്ഛന്‍ ഇരുന്ന് എന്റെ ഇന്റര്‍വ്യൂ കാണുന്നു, ആസ്വദിക്കുന്നു, ചിരിക്കുന്നു. എന്റെ കാര്യത്തില്‍ അച്ഛന്‍ ഇപ്പോള്‍ വളരെ ഹാപ്പിയാണ്. സിനിമകളില്ലെങ്കിലും ഞാന്‍ ജീവിക്കുമെന്ന് അദ്ദേഹത്തിന് മനസ്സിലായി’ എന്നും ധ്യാന്‍ പറയുന്നു.

വീകമാണ് ധ്യാനിന്റെ ഏറ്റവും ഒടുവില്‍ പുറത്തിറങ്ങിയ ചിത്രം. അടുത്ത നാല് വര്‍ഷത്തേക്ക് തനിക്ക് ഡേറ്റില്ലെന്നും 32 സിനിമകള്‍ക്ക് ഡേറ്റ് നല്‍കിയിട്ടുണ്ടെന്നും ധ്യാന്‍ അഭിമുഖത്തില്‍ പറയുന്നു.ബുള്ളറ്റ് ഡയറീസ്, ഹിഗ്വിറ്റ, ആപ്പ് കൈസേ ഹോ എന്നിവയാണ് ധ്യാനിന്റെ അണിയറയില്‍ ഒരുങ്ങുന്ന ചിത്രങ്ങള്‍.