ബഷീർ ബഷിയെയും കുടുംബത്തെയും അറിയാത്തവർ ഇന്ന് കുറവായിരിക്കും. ബിഗ് ബോസ് താരം എന്നതിലുപരി ആൽബത്തിലൂടെയും ലോഗുകളിലൂടെയുമൊക്കെ ശ്രദ്ധേയനാണ് ബഷീർ ബഷി. പലപ്പോഴും രണ്ടുതവണ വിവാഹിതനായതിൻ്റെ പേരിൽ ബഷീറിന് വിമർശനങ്ങൾ നേരിടേണ്ടി വന്നിട്ടുണ്ട്. ആദ്യ ഭാര്യയുള്ളപ്പോൾ രണ്ടാമത് ഒരു ഭാര്യയെ കൊണ്ടുവരാൻ താരത്തിന് എങ്ങനെ സാധിച്ചു എന്നതാണ് പലരും ചോദിക്കാറുള്ളതും.
എന്നാൽ ഇപ്പോൾ തൻ്റെ വീട്ടിൽ നടക്കുന്ന കാര്യങ്ങളെപ്പറ്റി തുറന്ന് പറയുകയാണ് ബഷീർ. ആളുകൾ പറയുന്നതുപോലെയല്ല ഒന്നും. യൂട്യൂബ് വ്ളോഗിനെ കുറിച്ചും അതിലൂടെ ലഭിക്കുന്ന വരുമാനത്തെ കുറിച്ചുമൊക്കെ ബഷീർ പറയുന്നുണ്ട്. കുടുംബ പ്രശ്‌നങ്ങളാണ് ആളുകൾക്ക് കാണാൻ താല്പര്യമെന്നാണ് ബഷീർ പറയുന്നത്. ആളുകളുടെ മെന്റാലിറ്റി ഇങ്ങനെയാണെന്നും ബഷീർ പറഞ്ഞു.
ഭാര്യ സുഹാനയോടൊപ്പം കാറിൽ യാത്ര ചെയ്യുമ്പോഴാണ് തങ്ങളെ കുറിച്ചുള്ള പലരുടെയും തെറ്റിദ്ധാരണകൾക്കുള്ള മറുപടി ബഷീർ പറഞ്ഞത്. തന്റെ കൂടെ കുടുംബം ഉണ്ടെങ്കിൽ മാത്രമേ ആളുകൾ വീഡിയോ കാണുകയുള്ളൂവെന്നാണ് ബഷീർ പറയുന്നത്. ഞാൻ സോളോ ട്രിപ്പ് നടത്തിയതും പുതിയ സ്ഥലങ്ങൾ പരിചയപ്പെടുത്തിയതിനെ കുറിച്ചുമൊക്കെ പറഞ്ഞുള്ള വീഡിയോ കാണാൻ ആരുമില്ല.
