ഇര്‍ഫാന്‍ പത്താന്റെ 36ാം ജന്മദിനത്തില്‍ “കോബ്ര” സിനിമയിലെ ലുക്ക് പോസ്റ്റര്‍ പുറത്തുവിട്ട് അണിയറപ്രവര്‍ത്തകര്‍. സംവിധായകന്‍ അജയ് ജ്ഞാനമുത്തു സംവിധാനം ചെയ്യുന്ന വിക്രം ചിത്രമാണ് കോബ്ര. വിക്രമിന്റെ വില്ലനായാണ് ഇര്‍ഫാന്‍ സിനിമയിലെത്തുന്നത്. അസ്ലാന്‍ യില്‍മാസ് എന്ന ഫ്രഞ്ച് ഇന്റര്‍പോള്‍ ഓഫീസര്‍ ആയാണ് ഇര്‍ഫാന്‍ കോബ്രയില്‍ വേഷമിടുന്നത്.
കറുത്ത സ്യൂട്ട് ധരിച്ച് സ്റ്റൈലിഷ് ലുക്കിലാണ് ഇര്‍ഫാന്‍ ലുക്ക് പോസ്റ്ററില്‍ പ്രത്യക്ഷപ്പെട്ടിരിക്കുന്നത്. വളരെ സ്റ്റൈലിഷ് ആയ വില്ലനാണ് ഇര്‍ഫാന്‍ എന്ന് സംവിധായകന്‍ നേരത്തെ വ്യക്തമാക്കിയിരുന്നു. മുന്‍ ഇന്ത്യന്‍ ക്രിക്കറ്റ് താരമായ ഇര്‍ഫാന്‍ പത്താന്റെ അരങ്ങേറ്റ സിനിമ കൂടിയാണ് കോബ്ര.
Wish you many more happy returns of the day dear @IrfanPathan sir ❤️❤️ Super happy to have met and worked with such a warm and a caring person like you.. Wishing you only the besttt in the year ahead ??? #Cobra ?? #HBDIrfanpathan #AslanYilmaz pic.twitter.com/JBwIlbzGJM
— Ajay Gnanamuthu (@AjayGnanamuthu) October 27, 2020
അമാനുഷിക കഥ പറയുന്ന ത്രില്ലര്‍ ചിത്രമായ കോബ്ര വിക്രം ആരാധകര്‍ ആവേശത്തോടെ കാത്തിരിക്കുന്ന സിനിമയാണ്. ശ്രീനിധി ഷെട്ടി ആണ് ചിത്രത്തില്‍ നായിക. കോബ്രയില്‍ 20 ഗെറ്റപ്പുകളിലാണ് വിക്രം എത്തുക എന്ന അഭ്യൂഹങ്ങളുമുണ്ട്. ചിത്രത്തിന്റെ ഷൂട്ടിംഗ് മാര്‍ച്ചില്‍ റഷ്യയില്‍ പുരോഗമിക്കവെ കോവിഡ് പ്രതിസന്ധികളെ തുടര്‍ന്ന് നിര്‍ത്തി വയ്ക്കുകയായിരുന്നു.
Read more
ചെന്നൈയില്‍ തന്നെ ഷൂട്ടിംഗ് പൂര്‍ത്തിയാക്കാനാണ് അണിയറപ്രവര്‍ത്തകരുടെ ശ്രമം എന്നും റിപ്പോര്‍ട്ടുകളുണ്ട്. ഈ വര്‍ഷം അവസാനത്തോടെ ചിത്രം പൂര്‍ത്തിയാകും. കെ.എസ് രവികുമാര്‍, മൃണാളിനി, കനിക, പദ്മപ്രിയ, ബാബു ആന്റണി എന്നിവരും കോബ്രയില്‍ വേഷമിടുന്നുണ്ട്.
