സിജു വിത്സണ്‍ ചിത്രം ‘പഞ്ചവത്സര പദ്ധതി’ നാളെ തിയേറ്ററുകളിലേക്ക്. ഏപ്രില്‍ 26ന് ചിത്രം തിയേറ്ററുകളിലേക്ക് എത്തുമ്പോള്‍ മലയാള സിനിമാ നായികാ നിരയിലേക്ക് എത്തുന്നത് പുതിയൊരു പ്രതിഭ കൂടി. നടി കൃഷ്ണേന്ദു എ മേനോന്‍ നായികയായി അരങ്ങേറ്റം കുറിക്കുന്ന ചിത്രമാണിത്. പതിനെട്ടാം പടി, ഗൗതമന്റെ രഥം എന്നീ ചിത്രങ്ങളില്‍ കൃഷ്ണേന്ദു അഭിനയിച്ചിട്ടുണ്ട്.
ഓഡിഷനിലൂടെയാണ് കൃഷ്ണേന്ദു പഞ്ചവത്സര പദ്ധതിയില്‍ നായിയായി എത്തുന്നത്. ഒരു ഗ്രാമത്തില്‍ ജീവിക്കുന്ന സിറ്റി ലൈഫ് സ്വപ്നം കാണുന്ന ഒരു പെണ്‍കുട്ടിയുടെ കഥാപാത്രമാണ് ഈ ചിത്രത്തില്‍ കൃഷ്ണേന്ദു അവതരിപ്പിക്കുന്നത്. തന്റെ സിനിമാ ജീവിതത്തില്‍ വഴിത്തിരിവ് ആകാന്‍ സാധ്യതയുള്ള കഥാപാത്രമാണ് ഇതെന്നാണ് കൃഷ്ണേന്ദു പറയുന്നത്.
ചെന്നൈയില്‍ മൂന്നാം വര്‍ഷ എംബിബിഎസ് വിദ്യാര്‍ത്ഥിനിയായ കൃഷ്ണേന്ദു ഇരിഞ്ഞാലക്കുട ശാന്തി നഗര്‍ സുകൃതത്തില്‍ കെ.ജി അനില്‍കുമാറിന്റെയും ഉമാ അനില്‍കുമാറിന്റെയും മകളാണ്. അമല്‍ജിത് എ മേനോന്‍ ആണ് സഹോദരന്‍. അതേസമയം, സോഷ്യല്‍ സറ്റയര്‍ ആയി ഒരുങ്ങുന്ന പഞ്ചവത്സര പദ്ധതി സജീവ് പാഴൂരിന്റെ തിരക്കഥയില്‍ പി.ജി പ്രേം ലാല്‍ ആണ് സംവിധാനം ചെയ്യുന്നത്.
പി.പി കുഞ്ഞികൃഷ്ണന്‍, നിഷ സാരംഗ്, സുധീഷ്, മുത്തുമണി, വിജയകുമാര്‍, ചെമ്പില്‍ അശോകന്‍, ബിനോയ് നമ്പാല, ഹരീഷ് പേങ്ങന്‍, സിബി തോമസ്,ജിബിന്‍ ഗോപിനാഥ്, ആര്യ സലിം, ജോളി ചിറയത്ത്, ലാലി പി.എം എന്നിവരാണ് ചിത്രത്തിലെ മറ്റ് അഭിനേതാക്കള്‍. സംഗീതം ഷാന്‍ റഹ്‌മാന്‍ നിര്‍വഹിക്കുന്നു. ഡിഒപി : ആല്‍ബി, എഡിറ്റര്‍ : കിരണ്‍ ദാസ്, ലിറിക്സ് : റഫീഖ് അഹമ്മദ്, ഏങ്ങണ്ടിയൂര്‍ ചന്ദ്രശേഖരന്‍, ആര്‍ട്ട് : ത്യാഗു തവനൂര്‍.
മേക്കപ്പ് : രഞ്ജിത്ത് മണലിപ്പറമ്പില്‍, സ്റ്റന്‍ഡ്സ് : മാഫിയാ ശശി, വസ്ത്രാലങ്കാരം : വീണാ സ്യമന്തക്, പ്രൊഡക്ഷന്‍ കണ്‍ട്രോളര്‍ :ജിനു.പി.കെ, സൗണ്ട് ഡിസൈന്‍ : ജിതിന്‍ ജോസഫ്. സൗണ്ട് മിക്‌സ് : സിനോയ് ജോസഫ്, വി എഫ് എക്‌സ് : അമല്‍, ഷിമോന്‍.എന്‍.എക്‌സ് (മാഗസിന്‍ മീഡിയ), ചീഫ് അസ്സോസിയേറ്റ് ഡയറക്ടര്‍ : എ.കെ.രജിലേഷ്, അസ്സോസിയേറ്റ് ഡയറക്ടര്‍ : രാജേഷ് തോമസ്, ഫിനാന്‍സ് കണ്‍ട്രോളര്‍ : ധനേഷ് നടുവള്ളിയില്‍, സ്റ്റില്‍സ് : ജസ്റ്റിന്‍ ജെയിംസ്, പബ്ലിസിറ്റി ഡിസൈനര്‍: ആന്റണി സ്റ്റീഫന്‍, പി ആര്‍ ഓ : പ്രതീഷ് ശേഖര്‍.
