ലോകേഷ് കനകരാജിന്റെ ബ്രഹ്‌മാണ്ഡ ചിത്രം ദളപതി 67 ന്റെ ഔദ്യോഗിക പ്രഖ്യാപനത്തിന് തൊട്ടുപിന്നാലെ സിനിമയില്‍ താനുമുണ്ടെന്ന് വെളിപ്പെടുത്തി യുവതാരം മാത്യു തോമസ്. ഇന്നലെയാണ് ലോകേഷ് കനകരാജ് ദളപതി 67 ന്റെ ഔദ്യോഗിക പ്രഖ്യാപനം നടത്തിയത്. മാത്യുവിന്റെ ആദ്യ തമിഴ് ചിത്രമാണ് ദളപതി 67.
ഇന്‍സ്റ്റാഗ്രാം വഴിയാണ് മാത്യൂ തന്റെ സന്തോഷം പങ്കുവെച്ചത്. ലോകേഷ് കനകരാജിന്റെ സംവിധാനത്തില്‍ വിജയ് സാറിന്റെ ചിത്രത്തില്‍ അഭിനയിക്കുന്നു. ഇതിലും നല്ലൊരു തുടക്കം തമിഴില്‍ കിട്ടാനില്ല. മാത്യു തോമസ് ഇന്‍സ്റ്റയില്‍ കുറിച്ചു. തണ്ണീര്‍മത്തന്‍ ദിനങ്ങള്‍ കുമ്പളങ്ങി നൈറ്റ്സ്, അഞ്ചാം പാതിര, ജോ ആന്റ് ജോ, ഓപ്പറേഷന്‍ ജാവ തുടങ്ങി നിരവധി ചിത്രങ്ങളിലൂടെ പ്രേക്ഷകര്‍ക്ക് സുപരിചിതനാണ് മാത്യു തോമസ്.
‘മാസ്റ്റര്‍’ എന്ന ചിത്രത്തിന് ശേഷമാണ് ലോകേഷ് കനകരാജും വിജയ്യും വീണ്ടും ഒന്നിക്കുന്നത്. അതുകൊണ്ടു തന്നെ പ്രതീക്ഷയും വാനോളമാണ്. അനിരുദ്ധ് രവിചന്ദര്‍ ആയിരിക്കും ചിത്രത്തിന്റെ മ്യൂസിക് കൈകാര്യം ചെയ്യുക. സംവിധായകനൊപ്പം, രത്‌ന കുമാര്‍, ധീരജ് വൈദി എന്നിവര്‍ ചിത്രത്തിന്റെ തിരക്കഥയില്‍ പങ്കാളികളാവുന്നുണ്ട്.
Read more
എഴുതി 7 സ്‌ക്രീന്‍ സ്റ്റുഡിയോ ചിത്രം നിര്‍മിക്കുന്ന ചിത്രത്തില്‍ ഗൗതം വാസുദേവ് മേനോനും പ്രധാന വേഷത്തിലുണ്ട്.’വാരിസാ’ണ് വിജയ്യുടേതായി ഏറ്റവും ഒടുവില്‍ പ്രദര്‍ശനത്തിന് എത്തിയ ചിത്രം. വംശി പൈഡിപ്പള്ളിയായിരുന്നു സംവിധാനം.
