മലയാളത്തിന്റെ ഭാവഗായകന്‍ പി. ജയചന്ദ്രന്റെ മേക്കോവര്‍ ചിത്രങ്ങളാണ് സോഷ്യല്‍ മീഡിയയില്‍ വൈറലാകുന്നത്. മസില്‍ പെരുപ്പിച്ച് മൊട്ടയടിച്ച് ഹോളിവുഡ് സ്‌റ്റൈലിലാണ് ജയചന്ദ്രന്‍ പ്രത്യക്ഷപ്പെട്ടിരിക്കുന്നത്. തന്റെ മേക്കോവര്‍ ചിത്രങ്ങള്‍ കണ്ട് അടിപൊളിയായിട്ടുണ്ട് എന്നാണ് മോഹന്‍ലാല്‍ വിളിച്ചു പറഞ്ഞതെന്ന് ജയചന്ദ്രന്‍ പറയുന്നു.
മന്ത്രി വി.എസ് സുനില്‍കുമാര്‍ വിളിച്ച് ഈ ഫോട്ടോ മോര്‍ഫ് ചെയ്തതാണോ അതോ ഒറിജിനല്‍ തന്നെയാണോ എന്ന് ചോദിച്ചു എന്നും ജയചന്ദ്രന്‍ വെളിപ്പെടുത്തി. സുഹൃത് സതീഷും അദ്ദേഹത്തിന്റെ മകനും കൂടിയാണ് ഈ പോസില്‍ ഫോട്ടോ എടുപ്പിച്ചു പരസ്യപ്പെടുത്തിയത് എന്നും ജയചന്ദ്രന്‍ പറഞ്ഞു.
Read more
എഴുപത്തിയാറാം വയസ്സിലാണ് ഈ കിടിലന്‍ ലുക്കില്‍ പ്രത്യക്ഷപ്പെട്ടിരിക്കുന്നത് എന്നതാണ് ഏവരെയും ആകര്‍ഷിക്കുന്നത്. വീട്ടിനുള്ളില്‍ സ്ഥിരമായി വ്യായാമം ചെയ്യാറുണ്ട് എന്നും മീശയിലും താടിയിലും പരീക്ഷണങ്ങള്‍ നടത്താറുണ്ട് എന്നും അദ്ദേഹം പറയുന്നു.
