ടി20 ക്രിക്കറ്റ് വേള്‍ഡ് കപ്പിന്റെ ഭാഗമായി പാകിസ്ഥാന്‍ ജയിക്കുമെന്ന സംവിധായകന്‍ ഒമര്‍ ലുലുവിന്റെ പ്രഖ്യാപനം ഏറെ ട്രോളുകള്‍ക്കും വിമര്‍ശനങ്ങള്‍ക്കും കാരണമായിരുന്നു. പാകിസ്ഥാന്‍ ജയിക്കുമെന്ന് പ്രഖ്യാപിച്ചതോടെ അതിനെ എതിര്‍ത്ത് കൊണ്ട് പലരും രംഗത്തെത്തിയിരുന്നു.
അതില്‍ ഒരാള്‍ ‘പാകിസ്ഥാന്‍ തോല്‍ക്കും അഞ്ചു ലക്ഷം രൂപയ്ക്കു ബെറ്റിനുണ്ടോ’ എന്നു ഒമറിനോട് ചോദിച്ചിരുന്നു. ‘ഓക്കെ ഡണ്‍’ എന്നായിരുന്നു ഒമറിന്റെ മറുപടി. ഒടുവില്‍ പാകിസ്ഥാന്‍ പരാജയപ്പെട്ടപ്പോള്‍ പോസ്റ്റിന് താഴെ ആരാധകര്‍ വീണ്ടുമെത്തി, ‘അഞ്ചു ലക്ഷം രൂപ കൊടുക്കുന്നില്ലേ’ എന്ന് ചോദിച്ച്.
അതോടെ ബെറ്റില്‍ ജയിച്ച നിതിന് നാരായണിനെ കാണാന്‍ ഒമര്‍ കോഴിക്കോട് എത്തിയിരിക്കുകയാണ്. ‘എന്നെ ബെറ്റില്‍ തോല്‍പ്പിച്ച ചങ്ക് ബ്രോ’ എന്ന ക്യാപ്ഷനോടെയാണ് ഒമര്‍ നിതിനൊപ്പമുളള ചിത്രം പങ്കുവച്ചിരിക്കുന്നത്. ഇതിപ്പോ ‘ചെക്കെവിടെ ചെക്കന്‍ മാത്രമുളളല്ലോ’ എന്നാണ് പോസ്റ്റിന് താഴെ എത്തുന്ന കമന്റുകള്‍.
View this post on Instagram
പാകിസ്ഥാന്‍ ജയിക്കുമെന്ന് പറഞ്ഞതോടെ ദേശസ്നേഹം പഠിപ്പിക്കാന്‍ കമന്റ് ബോക്‌സില്‍ എത്തിയവര്‍ക്ക് മറുപടിയും ഒമര്‍ലുലു കൊടുത്തിരുന്നു. ”ഇനി ദേശസ്നേഹം ഇല്ലേ എന്ന് പറഞ്ഞ് കമ്മന്റ് ചെയ്യുന്ന അണ്ണന്‍മാരോട് ‘100 വര്‍ഷത്തോളം നമ്മളെ അടിമകള്‍ ആക്കി ഒരുപാട് രാജ്യസ്നേഹമുള്ള ധീരന്‍മാരെ കൊന്ന് തള്ളി”.
Read more
”നമ്മുടെ സമ്പത്ത് മൊത്തം കൈക്കലാക്കി അവസാനം രണ്ടാം ലോക മഹായുദ്ധകാലത്ത് പട്ടാളക്കാര്‍ക്ക് കൊടുക്കാന്‍ ശംബളം ഇല്ലാതെ വന്നപ്പോള്‍ നമ്മുടെ നാട്ടില്‍ നിന്ന് പോയ ഇംഗ്ലീഷുകാര്‍ ചെയ്ത അത്ര ക്രൂരതകള്‍ പാകിസ്താന്‍ നമ്മളോട് ചെയ്തട്ടില്ല” എന്നായിരുന്നു ഒമര്‍ ലുലുവിന്റെ ഫെയ്‌സ്ബുക്ക് കുറിപ്പ്.
