“സൂഫിയും സുജാതയും” എന്ന ആദ്യചിത്രത്തിലൂടെ തന്നെ മലയാളി പ്രേക്ഷകരുടെ മനസില്‍ ഇടം നേടിയ താരമാണ് ദേവ് മോഹന്‍. ജിന്നു പള്ളിയില്‍ നിന്നുയരുന്ന വാങ്കുവിളിയും സൂഫി നൃത്തവും നടന് ശ്രദ്ധ നേടിക്കൊടുത്തു. ബംഗ്ലൂരുവില്‍ എംഎന്‍സിയില്‍ ജോലി ചെയ്യുന്ന ന്യൂജെന്‍ യുവാവായ ദേവ് മോഹനെ സൂഫിയാക്കിയത് ഇങ്ങനെയാണ് എന്ന് വ്യക്തമാക്കുന്ന വീഡിയോയാണ് നടന് പങ്കുവെച്ചിരിക്കുന്നത്.
തന്റെ മേക്കോവര്‍ വീഡിയോയാണ് ദേവ് ഇന്‍സ്റ്റഗ്രാമില്‍ പങ്കുവെച്ചിരിക്കുന്നത്. 2018-ല്‍ ആയിരുന്നു സൂഫിയും സുജാതയുടെയും ഓഡിഷന്‍. ഷോര്‍ട്ട് ലിസ്റ്റ് ചെയ്തവരില്‍ നിന്ന് രണ്ടു ദിവസം കഴിഞ്ഞ് ദേവിനെ നായകനായി തിരഞ്ഞെടുക്കുകയായിരുന്നു. സ്‌ക്രിപ്റ്റ് കൈയില്‍ കിട്ടിയ ശേഷം ഷൂട്ടിംഗ് തുടങ്ങുന്നതിനു രണ്ടു വര്‍ഷത്തെ ഇടവേളയുണ്ടായിരുന്നു.
https://www.instagram.com/p/CCz_kxABdk4/
ഈ സമയം ജോലിത്തിരക്കുകള്‍ക്കിടയില്‍ ദേവ് സൂഫിയാകാനുള്ള തയ്യാറെടുപ്പുകളിലായിരുന്നു. സിനിമയിലെ സൂഫി വളരെ പതിഞ്ഞ സ്വരത്തില്‍ സംസാരിക്കുന്ന, ശാന്തനും സൗമ്യനുമായ ഒരു കാല്‍പനിക കഥാപാത്രമാണ്. സംവിധായകന്‍ നരണിപ്പുഴ ഷാനവാസിനോടും വിജയ് ബാബുവിനോടും നിരന്തരം സംസാരിച്ച് സൂഫിയുടെ ഏകദേശ ചിത്രം മനസ്സില്‍ പതിപ്പിച്ചത് എന്നാണ് ദേവ് മോഹന്‍ മനോരമയോട് പറഞ്ഞത്.
Read more
മലയാളികള്‍ക്ക് അത്ര പരിചിതമായ ഒരു കഥാപാത്രമല്ല സൂഫി. അതുകൊണ്ടു തന്നെ പില്‍ക്കാലത്തേക്കു കൂടി അവരുടെ മനസ്സില്‍ തങ്ങിനില്‍ക്കുന്ന ഒരു സിഗ്‌നേച്ചര്‍ റോള്‍ ആയി മാറണം തന്റെ കഥാപാത്രം എന്നതായിരുന്നു ദേവിന്റെ ആഗ്രഹം. അദിതി റാവു ഹൈദരി, ജയസൂര്യ എന്നിവരും കേന്ദ്ര കഥാപാത്രങ്ങളായ സിനിമ മലയാളത്തിലെ ആദ്യ ഒടിടി റിലീസായിരുന്നു.
