‘2018’ ഗംഭീര പ്രതികരണങ്ങള്‍ നേടുന്നതിനിടെ ‘അരിക്കൊമ്പന്‍’ സിനിമയെ കുറിച്ചുള്ള ചോദ്യത്തോട് പ്രതികരിച്ച് നടന്‍ ടൊവിനോ തോമസ്. 2018ന്റെ വിജയാഘോഷത്തില്‍ പങ്കെടുത്ത് മടങ്ങുന്നതിനിടയില്‍ ചോദ്യം ചോദിച്ച മാധ്യമപ്രവര്‍ത്തകന് ടൊവിനോ നല്‍കിയ രസകരമായ മറുപടിയാണ് ശ്രദ്ധ നേടുന്നത്.
”അരിക്കൊമ്പന്‍ സിനിമ അനൗണ്‍സ് ചെയ്തിരിക്കയാണല്ലോ, ടോവിനോ അതിലും ഉണ്ടാകുമോ?” എന്നാണ് റിപ്പോര്‍ട്ടര്‍ ചോദിച്ചത്. ഇതിന് ഒട്ടും ആലോചിക്കാതെ തന്നെ ടൊവിനോയുടെ തഗ്ഗും എത്തി. ”ഞാന്‍ അതിന് വേണ്ടി കൊമ്പ് വളര്‍ത്തിക്കൊണ്ട് ഇരിക്കുകയാണ്” എന്നായിരുന്നു ടൊവിനോയുടെ മറുപടി.
അതേസമയം, കേരളം നേരിട്ട മഹാപ്രളയം പശ്ചാത്തലമാക്കിയിരിക്കുന്ന ചിത്രം വെള്ളിയാഴ്ചയാണ് തിയേറ്ററുകളില്‍ എത്തിയത്. വൈകുന്നേരത്തോടെ കേരളം മുഴുവന്‍ ഹൗസ്ഫുള്‍ ഷോകളാല്‍ നിറഞ്ഞിരുന്നു. ശനിയാഴ്ച 2018ന് കേരളത്തില്‍ 67 അഡീഷണല്‍ ഷോകളാണ് ഉണ്ടായത്. 86 എക്സ്ട്രാ ഷോകളാണ് ഞായറാഴ്ച നടന്നത്.
4 കോടിയിലേറെയാണ് ഞായറാഴ്ച കേരളത്തില്‍ നിന്നും മാത്രം ചിത്രം നേടിയത്. കേരളത്തില്‍ നിന്നും ആദ്യ വാരാന്ത്യത്തില്‍ 10 കോടിക്ക് മുകളിലാണ് നേടിയത്. ആഗോള ബോക്‌സോഫീസ് പരിഗണിച്ചാല്‍ ഓപ്പണിംഗ് വീക്കെന്‍ഡ് ഗ്രോസ് 18 കോടിയിലേറെ വരും.
Read more
അതേസമയം, സാജിദ് യഹിയ ആണ് അരിക്കൊമ്പന്‍ സംവിധാനം ചെയ്യുന്നത്. മെയ് 6ന് ആണ് ചിത്രം പ്രഖ്യാപിച്ചത്. ചരിഞ്ഞു കിടക്കുന്ന അമ്മ ആനയും ഒപ്പം ഒരു കുട്ടിയാനയും ഇരിക്കുന്ന ചിത്രമാണ് ടൈറ്റില്‍ പോസ്റ്റര്‍ ആയി പുറത്തുവിട്ടത്.
