കൊറോണയുടെ പശ്ചാത്തലത്തില്‍ പ്രധാനമന്ത്രിയുടെ ദുരിതാശ്വാസനിധിയിലേക്കും മഹാരാഷ്ട്ര മുഖ്യമന്ത്രിയുടെ ദുരിതാശ്വാസനിധിയിലേക്കും അഞ്ച് ലക്ഷം രൂപ സഹായധനം നല്‍കി അവതാരകനും മിനിസ്‌ക്രീന്‍ നടനുമായ അര്‍ജുന്‍ ബിജ്‌ലാനി. ഇത് സമുദ്രത്തിലേക്കുള്ള ഒരു തുള്ളി മാത്രമാണെന്നും നടന്‍ ട്വിറ്ററില്‍ കുറിച്ചു.
ഈ പ്രതിസന്ധി സമയത്ത് തങ്ങള്‍ക്കാവുന്ന വിധത്തില്‍ സഹായിക്കണം എന്നും അര്‍ജുന്‍ ട്വീറ്റ് ചെയ്തു. ഇതോടെ നന്ദി അറിയിച്ച് മഹാരാഷ്ട്ര മുഖ്യമന്ത്രി ഉദ്ധവ് താക്കറെയും രംഗത്തെത്തി. മറ്റൊരു ട്വീറ്റില്‍ തങ്ങളെല്ലാവരും കൂടെയുണ്ടെന്നും അര്‍ജുന്‍ കുറിച്ചു.
We all need each other at this time so I pledge to contribute Rs 5 lakhs to @narendramodi jis PM-CARES Fund and Rs 5lakh to the chief ministers Fund @CMOMaharashtra . . Zindagi ek safar hai suhana . Pl save lives . I knw it’s a drop in the ocean but it matters .u do ur bit.
— Arjun Bijlani #MajorNikhilManikrishnan (@Thearjunbijlani) March 28, 2020
ബോളിവുഡ് താരങ്ങളായ വരുണ്‍ ധവാന്‍, അക്ഷയ് കുമാര്‍ എന്നിവരും സഹായധനം പ്രഖ്യാപിച്ചിട്ടുണ്ട്. ഇന്ത്യയില്‍ ഇതുവരെ ആയിരത്തിലധികം പേര്‍ക്ക് കോവിഡ് 19 സ്ഥിരീകരിച്ചിട്ടുണ്ട്. 25 പേര്‍ മരിച്ചു.
Read more
