കോഴിക്കോട് ചെറുവണ്ണൂരില്‍ യുവതിക്ക് നേരെ ആസിഡ് ആക്രമണം. ബാലുശേരി സ്വദേശി പ്രബിഷയ്ക്ക് നേരെയാണ് ആക്രമണത്തെ ഉണ്ടായത്. യുവതിയുടെ മുൻ ഭർത്താവ് ബാലുശേരി സ്വദേശി പ്രശാന്താണ് ആക്രമണം നടത്തിയത്. പ്രബിഷയെ വിദ​ഗ്ധ ചികിത്സക്കായി കോഴിക്കോട് മെഡിക്കൽ കോളേജിലേക്ക് മാറ്റിയിരിക്കുകയാണ്. ആയുർവേദ ആശുപത്രിയിൽ ചികിത്സക്കെത്തിയ പ്രബിഷയ്ക്ക് നേരെ പ്രശാന്ത് ആക്രമണം നടത്തുകയായിരുന്നു. സംഭവത്തിൽ പ്രബിഷയുടെ മുന്‍ ഭര്‍ത്താവ് പ്രശാന്തിനെ പൊലീസ് കസ്റ്റഡിയിലെടുത്തു.