കൊച്ചിയിലെ മോഡലുകളുടെ മരണത്തിലെ പ്രതിയായ സൈജു തങ്കച്ചനെ തട്ടിക്കൊണ്ടുപോയെന്ന് പരാതി. മോചനദ്രവ്യമായി ഒരു ലക്ഷം രൂപ ആവശ്യപ്പെട്ടായിരുന്നു തന്നെ തട്ടിക്കൊണ്ടു പോയതായതെന്ന് സൈജു തങ്കച്ചന്‍ പറഞ്ഞു. സംഭവത്തില്‍ മുനമ്പം പൊലീസ് രണ്ട് പേര്‍ക്കെതിരെ കേസെടുത്തു.
ഈ മാസം 16 തിയതി ആയിരുന്നു സംഭവം. ചെറായി കുഴുപ്പിള്ളിയിലെ വീട്ടില്‍ നിന്നാണ് തട്ടിക്കൊണ്ട് പോയതെന്ന് സൈജു പറഞ്ഞു. തടവില്‍ നിന്ന് ഓടി രക്ഷപ്പെടുകയായിരുന്നു.
അതേസമയം കൊച്ചിയില്‍ മോഡലുകള്‍ അപകടത്തില്‍ മരിച്ച സംഭവത്തില്‍ ഈ ആഴ്ച കുറ്റപത്രം സമര്‍പ്പിക്കും. കേസില്‍ സൈജു തങ്കച്ചനും, നമ്പര്‍ 18 ഹോട്ടല്‍ ഉടമയായ റോയ് വയലാറ്റും ഉള്‍പ്പടെ എട്ട് പ്രതികളാണ് ഉള്ളത്.
Read more
നവംബര്‍ ഒന്നിനാണ് എറണാകുളത്ത് നടന്ന വാഹനാപകടത്തില്‍ മിസ് കേരള 2019 അന്‍സി കബീറും റണ്ണറപ്പായ അഞ്ജന ഷാജനും മരിച്ചത്. രാത്രി ഒരു മണിയോടെയായിരുന്നു അപകടം. കൊച്ചിയിലെ ഹോട്ടലില്‍ നിന്നിറങ്ങിയ മോഡലുകളെ സൈജു കാറില്‍ പിന്തുടര്‍ന്നിരുന്നു. അതേസമയം കേസില്‍ പ്രധാന തെളിവായ സിസിടിവി ദൃശ്യങ്ങള്‍ അടങ്ങിയ ഡിവിആര്‍ കണ്ടെത്താന്‍ കഴിയാതിരുന്നത് തിരിച്ചടിയായിരുന്നു.
