ബിജെപിയുടെ നേതൃത്വത്തില്‍ സംഘടിപ്പിച്ച ‘യുവം 2023’ പരിപാടിക്ക് പോയതില്‍ വിശദീകരണവുമായി സാഹിത്യകാരനും ഇടത് സഹയാത്രികനുമായ പ്രൊഫ. എം.കെ. സാനു. രാഷ്ട്രീയ നിലപാടില്‍ ഒരു മാറ്റവുമില്ലെന്നും, സദസിന്റെ കൂട്ടത്തില്‍ ഇരുന്ന് ഒരു പ്രസംഗം കേള്‍ക്കുകയാണ് താന്‍ ചെയ്തതെന്നും അദ്ദേഹം പറഞ്ഞു.
Read more
കാണികളുടെ കൂട്ടത്തില്‍ ഇരുന്ന് പ്രസംഗം കേട്ടു. രാഷ്ട്രീയ നിലപാടില്‍ ഒരു മാറ്റവുമില്ല. ഇന്നുവരെയുള്ള കാഴ്ചപ്പാട് തുടരുക തന്നെ ചെയ്യും. ഒരു പ്രസംഗം കേട്ടതു കൊണ്ടോ പുസ്തകം വായിച്ചതു കൊണ്ടോ അഭിപ്രായം മാറില്ല. പണ്ടുമുതലേ സോഷ്യലിസ്റ്റ് ആശയമാണ് ഞാന്‍ പുലര്‍ത്തുന്നത്. അതിന് മാറ്റമുണ്ടാകില്ല. യുവം പരിപാടിയില്‍ ഒരു സുഹൃത്ത് വിളിച്ചപ്പോള്‍ പോയതാണെന്നും പ്രൊഫ. എം.കെ സാനു മാധ്യമങ്ങളോട് പറഞ്ഞു. ഇന്നലെ വൈകിട്ട് തേവര സേക്രഡ് ഹാര്‍ട്ട് കോളജ് ഗ്രൗണ്ടിലാണ് യുവം പരിപാടി നടന്നത്.
