ജനറല്‍ സെക്രട്ടറി സീതറാം യെച്ചൂരി അവതരിപ്പിച്ച രേഖ സിപിഐ എം കേന്ദ്ര കമ്മിറ്റി തള്ളിയതിനെ പരിഹസിച്ച് യാക്കോബായ സഭയുടെ നിരണം ഭദ്രാസനാധിപന്‍ ഗീവര്‍ഗീസ് മാര്‍ കൂറിലോസ്. വീണ്ടും ചരിത്രപരമായ മറ്റൊരു മണ്ടത്തരം സിപിഐ എം കാണിച്ചതായി അദ്ദേഹം അഭിപ്രായപ്പെടുന്നു. ആദ്യ മണ്ടത്തരം ജ്യോതി ബസു പ്രധാനമന്ത്രി ആകേണ്ട എന്ന തീരുമാനമായിരുന്നു.
വര്‍ഗീയ ഫാഷിസ്റ്റ് ശക്തികള്‍ക്കെതിരെ എല്ലാ രാഷ്ട്രീയ പ്രസ്ഥാനങ്ങളും ഒരുമിച്ച് നില്‍ക്കേണ്ട കാലമാണിത്. ഈ സമയത്ത് കോണ്‍ഗ്രസ് സഖ്യം പാടില്ലെന്നു തീരുമാനിച്ച് സിപിഐ എം എന്തു കാലഘട്ടത്തിലാണ് ജീവിക്കുന്നത്. ഈ തീരുമാനം വര്‍ഗ്ഗീയ ശക്തികള്‍ക്ക് സഹായകരമാകും. മതേതര ശക്തികള്‍ക്ക് നിരാശ നല്‍കുന്ന തീരുമാനമാണിത്.
താന്‍ വിഷയത്തില്‍ യെച്ചൂരിയ്‌ക്കൊപ്പം. തോല്‍ക്കുന്നവര്‍ക്കൊപ്പം നില്‍ക്കുന്നതിലും രാഷ്ട്രീയം ഉണ്ടല്ലോ എന്ന് ഗീവര്‍ഗീസ് മാര്‍ കൂറിലോസ് തന്റെ ഫെയ്‌സ്ബുക്ക് പോസ്റ്റില്‍ പറയുന്നു.
Read more
