കേരളത്തിന്റെ മണ്ണ് വര്‍ഗീയ ശക്തികള്‍ക്ക് വിട്ടുകൊടുക്കരുതെന്ന് മുസ്ലിംലീഗ് നേതാവ് പി കെ കുഞ്ഞാലിക്കുട്ടി. ഇത്തരക്കാര്‍ക്ക് കേരളത്തിന്റെ മണ്ണ് വിട്ടുകൊടുത്താല്‍ എന്ത് സംഭവിക്കുമെന്നതിന്റെ ഉദാഹരണമാണ് ഇപ്പോള്‍ കാണുന്നത്. ആലപ്പുഴയിലെയും പാലക്കാട്ടെയും സംഭവങ്ങള്‍ വിരല്‍ചൂണ്ടുന്ന ഒരു വസ്തുതയുണ്ട്. വര്‍ഗീയവാദികളായിട്ടുള്ള രാഷ്ട്രീയക്കാര്‍ക്ക് ചേര്‍ന്ന മണ്ണല്ല കേരളം. ഇതിലും വലിയ വൈകാരിക സംഭവങ്ങള്‍ ഉണ്ടായപ്പോള്‍ പോലും ഇത്തരക്കാര്‍ക്ക് കേരളത്തില്‍ രാഷ്ട്രീയം കളിക്കാന്‍ കഴിഞ്ഞിരുന്നില്ലെന്നും അദ്ദേഹം പറഞ്ഞു.
വ്യത്യസ്ത സമുദായത്തിന്റെ വികാരം മുതലെടുക്കാനും ന്യൂനപക്ഷങ്ങള്‍ക്കിടയില്‍ ഇടംനേടനും വേണ്ടിയാണ് ഈ കളികള്‍. പഞ്ചായത്ത് തിരഞ്ഞെടുപ്പില്‍ പോലും വോട്ട് ലഭിക്കാന്‍ വകയില്ലാത്ത ആളുകളാണ് ഇപ്പോള്‍ സ്വാധീനം ഉണ്ടാക്കിയെടുക്കാന്‍ ശ്രമിക്കുന്നത്. ഈ ശ്രമങ്ങളെ ഒറ്റക്കെട്ടായി എതിര്‍ക്കണം. സര്‍ക്കാര്‍ ജാഗ്രത പുലര്‍ത്തണമെന്നും അദ്ദേഹം പറഞ്ഞു.
Read more
കേരളം ഉണര്‍ന്ന് പ്രവര്‍ത്തിക്കേണ്ട സമയമാണിതെന്നും അതിനായി മുസ്ലിംലീഗ് പ്രചാരണം നടത്തുമെന്നും കുഞ്ഞാലിക്കുട്ടി പറഞ്ഞു. പാലക്കാട് ആര്‍എസ്എസ് പ്രവര്‍ത്തകനും എസ്ഡിപിഐ പ്രവര്‍ത്തകനും കൊല ചെയ്യപ്പെട്ട സംഭവത്തില്‍ പ്രതികരിക്കുകയായിരുന്നു അദ്ദേഹം.
