സംസ്ഥാനത്ത് ഒരാള്‍ക്ക് കൂടി മങ്കി പോക്സ് സ്ഥിരീകരിച്ചു. യുഎഇയില്‍ നിന്നെത്തിയ മലപ്പുറം സ്വദേശിയ്ക്കാണ് രോഗബാധ സ്ഥിരീകരിച്ചിരിക്കുന്നത്. ഇയാളെ തിരൂരങ്ങാടി താലൂക്ക് ആശുപത്രിയില്‍ ചികിത്സയില്‍ പ്രവേശിപ്പിച്ചിരിക്കുകയാണ്.
ജൂലൈ 27 നാണ് ഇദ്ദേഹം യുഎഇയില്‍ നിന്ന് കോഴിക്കോട് വിമാനത്താവളത്തല്‍ എത്തിയത്. ഇതോടെ സംസ്ഥാനത്ത് മങ്കിപോക്സ് സ്ഥിരീകരിച്ചവരുടെ എണ്ണം അഞ്ചായി. യുവാവുമായി സമ്പര്‍ക്കത്തില്‍പ്പെട്ടവരെയും നിരീക്ഷണത്തിലാക്കാനുള്ള ശ്രമങ്ങള്‍ നടക്കുകയാണ്.
മലപ്പുറം സ്വദേശിയുടെ അമ്മയും മറ്റ് ബന്ധുക്കളും നിരീക്ഷണത്തിലാണ്.രോഗലക്ഷണങ്ങള്‍ കണ്ടുതുടങ്ങിയപ്പോള്‍ ഇയാള്‍ ആശുപത്രിയില്‍ ചികിത്സ തേടുകയായിരുന്നു. മലപ്പുറത്ത് രണ്ടാമത്തെ കേസാണ് ഇപ്പോള്‍ റിപ്പോര്‍ട്ട് ചെയ്തിരിക്കുന്നത്.
Read more
നേരത്തെ മലപ്പുറം സ്വദേശിയായ ഒരു യുവാവിന് മങ്കിപോക്സ് സ്ഥിരീകരിച്ചിരുന്നു. തിരുവനന്തപുരത്ത് ചികിത്സക്കെത്തിയ കൊല്ലം സ്വദേശിക്കാണ് ആദ്യം രോഗബാധ സ്ഥിരീകരിച്ചത്. ഇയാള്‍ രോഗമുക്തി നേടിയിരുന്നു. തുടര്‍ന്ന് കണ്ണൂരിലും മലപ്പുറത്തും രോഗബാധ സ്ഥിരീകരിച്ചു. നാലാമതായിട്ടാണ് തൃശൂരിലെ യുവാവിന് രോഗബാധ കണ്ടെത്തിയത്.
