സംസ്ഥാന സര്‍ക്കാറിന്റെ ക്രിസ്തുമസ് ന്യൂ ഇയര്‍ ബമ്പര്‍ ബിആര്‍ 95 ലോട്ടറി ഫലം പുറത്തുവന്നു. തിരുവനന്തപുരം ബേക്കറി ജംഗ്ഷനിലുള്ള ഗോര്‍ഖി ഭവനില്‍ ഉച്ചയ്ക്ക് 2 മണിയോടെയാണ് നറുക്കെടുപ്പ് നടന്നത്. പാലക്കാട് വിറ്റ ടിക്കറ്റിനാണ് ഒന്നാം സമ്മാനം ലഭിച്ചിരിക്കുന്നത്. 20 കോടിയാണ് ഒന്നാം സമ്മാനം.
XC 224091 എന്ന നമ്പറിനാണ് ഒന്നാം സമ്മാനമായ 20 കോടി ലഭിച്ചിരിക്കുന്നത്. ധനമന്ത്രി കെഎന്‍ ബാലഗോപാലിന്റെ സാന്നിധ്യത്തിലാണ് നറുക്കെടുപ്പ് നടന്നത്. 20 പേര്‍ക്ക് 1 കോടി വീതമാണ് രണ്ടാം സമ്മാനം. കഴിഞ്ഞ വര്‍ഷം ഒന്നാം സമ്മാനമായ 16 കോടി ഇത്തവണ ഇരുപത് കോടിയായി ഉയര്‍ത്തിയിരുന്നു.
മൂന്നാം സമ്മാനം പത്ത് ലക്ഷം രൂപയും, നാലാം സമ്മാനം മൂന്ന് ലക്ഷം രൂപയുമാണ്. കൂടാതെ മറ്റനവധി സമ്മാനങ്ങളും ഭാഗ്യശാലികള്‍ക്ക് ലഭിക്കും.