കായംകുളം എംഎല്‍എ യു പ്രതിഭയ്ക്ക് എതിരെ നടപടിയെടുക്കുന്നില്ലെന്ന് സിപിഎം. തനിക്ക് പിഴവ് സംഭവിച്ചതായി എംഎല്‍എ സമ്മതിക്കുകയും തെറ്റുകള്‍ ഇനി ആവര്‍ത്തിക്കില്ലെന്ന് ഉറപ്പു നല്‍കുകയും ചെയ്തതിനെ തുടര്‍ന്നാണ് നടപടിയെടുക്കുന്നില്ലെന്ന് തീരുമാനിച്ചതെന്ന് ആലപ്പുഴ ജില്ലാ സെക്രട്ടറി ആര്‍ നാസര്‍ അറിയിച്ചു.
ഇന്ന് ചേര്‍ന്ന ജില്ലാക്കമ്മിറ്റിയിലായിരുന്നു തീരുമാനം. കായംകുളത്തെ വോട്ടുചോര്‍ച്ചയടക്കം അടുത്തിടെ എംഎല്‍എ നടത്തിയ സമൂഹ മാധ്യമ പരാമര്‍ശങ്ങള്‍ വിവാദമായിരുന്നു. ഇതേ തുടര്‍ന്ന് എംഎല്‍യക്ക് എതിരെ നടപടി അച്ചടക്ക നടപടിവേണമെന്ന ആവശ്യങ്ങളും ഉയര്‍ന്നിരുന്നു.
Read more
അതേ സമയം ആലപ്പുഴ ഏരിയ സമ്മേളനങ്ങളിലെ വിഭാഗീയതയെ കുറിച്ച് അന്വേഷിക്കാന്‍ പ്രത്യേക കമ്മീഷനെ നിയോഗിക്കുമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ പറഞ്ഞു. ആലപ്പുഴ സൗത്ത്, ആലപ്പുഴ നോര്‍ത്ത്, ഹരിപ്പാട്, തകഴി എന്നിവിടങ്ങളിലാണ് വിഭാഗീയതകള്‍ ഉള്ളതായി കണ്ടെത്തിയിട്ടുള്ളത്.
