ബംഗളൂരു തീവ്രവാദക്കേസില്‍ പരപ്പന അഗ്രഹാര ജയിലില്‍ കഴിയുന്ന തടിയന്റവിട നസീര്‍ കേരളത്തിലെത്തി. നസീറിന് ബംഗളൂരു കോടതി ഒരാഴ്ചത്തേക്ക് പരോള്‍ അനുവദിച്ചതിന്റെ ഭാഗമായാണ് അദേഹം കനത്ത സുരക്ഷയോടെ കണ്ണൂര്‍ എത്തിയിരിക്കുന്നത്.
നസീറിന്റെ പിതാവ് മരക്കാര്‍ക്കണ്ടിയിലെ അബ്ദുള്‍ മജീദ്(72) കഴിഞ്ഞ ദിവസം മരിച്ചിരുന്നു. മരണാനന്തര കര്‍മങ്ങളില്‍ പങ്കെടുക്കാനാണ് ഏഴുദിവസത്തെ പരോള്‍ കോടതി അനുവദിച്ചിരിക്കുന്നത്. തീവ്രവാദ കേസിലെ പ്രതിയായതിനാല്‍ മരക്കാര്‍ക്കണ്ടിയിലെ വീട്ടുപരിസരത്ത് വന്‍ സുരക്ഷയാണ് പോലീസ് ഒരുക്കിയത്. കണ്ണൂര്‍ സിറ്റി പോലീസിന്റെ നേതൃത്വത്തില്‍ പട്രോളിംഗും ശക്തമാക്കി.
Read more
കാഷ്മീര്‍ റിക്രൂട്ട്‌മെന്റ് കേസ്, 2008 ലെ ബംഗളൂരു സ്‌ഫോടന പരമ്ബര, മുന്‍ മുഖ്യമന്ത്രി ഇ.കെ. നായനാര്‍ വധശ്രമം, കാച്ചപ്പള്ളി ജ്വല്ലറി കവര്‍ച്ച, കോഴിക്കോട് ഇരട്ട സ്‌ഫോടനക്കേസ്, കളമശേരിയില്‍ ബസ് കത്തിച്ച സംഭവം തുടങ്ങിയ തീവ്രവാദ കേസുകളില്‍ നസീര്‍ പ്രതിയാണ്. കണ്ണൂരില്‍ കേരള, കര്‍ണാടക പൊലീസിന്റെ നൂറില്‍ അധികം വരുന്ന സംഘമാണ് സുരക്ഷയുടെ ഭാഗമായി എത്തിയിരിക്കുന്നത്.
