ഹേമ കമ്മിറ്റി റിപ്പോര്‍ട്ട് പുറത്തുവന്നതിന് പിന്നാലെ മലയാള സിനിമ ലോകത്ത് രൂപപ്പെട്ട ആരോപണ ശരങ്ങള്‍ പല വമ്പന്‍ താരങ്ങളെയും മുറിവേല്‍പ്പിച്ചിരുന്നു. സംവിധായകനും നടനുമായ ബാലചന്ദ്രമേനോന് എതിരെയും ആരോപണം ഉയര്‍ന്നിരുന്നു. ഇതിന് പിന്നാലെ ആരോപണത്തിനെതിരെ പരാതിയുമായി രംഗത്തെത്തിയിരിക്കുകയാണ്.
ആരോപണം ഉന്നയിച്ച ആലുവ സ്വദേശിയായ നടിയും അഭിഭാഷകനും ബ്ലാക്‌മെയില്‍ ചെയ്‌തെന്ന പരാതിയുമായാണ് ബാലചന്ദ്രമേനോന് രംഗത്തെത്തിയത്. അഭിഭാഷകന്‍ ബ്ലാക്‌മെയില്‍ ചെയ്‌തെന്നാണ് താരത്തിന്റെ പരാതി. തനിക്കെതിരെ മൂന്ന് ലൈംഗിക ആരോപണങ്ങള്‍ ഉടന്‍ വരുമെന്ന് അഭിഭാഷകന്‍ ഫോണിലൂടെ ഭീഷണിപ്പെടുത്തിയതായാണ് ബാലചന്ദ്രമേനോന്റെ പരാതിയിലുള്ളത്.
Read more
ഇതിന് പിന്നാലെ തെട്ടടുത്ത ദിവസം ആരോപണം ഉന്നയിച്ച നടി ഇതുസംബന്ധിച്ച് സോഷ്യല്‍ മീഡിയയില്‍ പോസ്റ്റിട്ടതായും പരാതിയില്‍ ചൂണ്ടിക്കാട്ടുന്നു. ബാലചന്ദ്രമേനോന് പുറമേ സംവിധായകന്‍ രഞ്ജിത്, നടന്‍ സിദ്ദിഖ്, മുകേഷ് എംഎല്‍എ, ജയസൂര്യ തുടങ്ങിയവരെല്ലാം ലൈംഗികാരോപണങ്ങളില്‍ കുടുങ്ങി നിയമ നടപടികള്‍ നേരിടുന്നുണ്ട്.
