എ ഐ കാമറ അഴിമതിയുമായി ബന്ധപ്പെട്ട് ഉന്നയിച്ച ആരോപണങ്ങളിൽ നിന്ന് പിന്മാറില്ലെന്ന് പ്രതിപക്ഷ നേതാവ് വി ഡി സതീശൻ. തെളിവുകളുടെ അടിസ്ഥാനത്തിലാണ് ആരോപണങ്ങൾ ഉന്നയിച്ചത്. അതിൽ ഉറച്ചു നിൽക്കുന്നുവെന്ന് സതീശൻ വ്യക്തമാക്കി. ഇക്കാര്യങ്ങൾ വിശദമാക്കി എസ്ആര്‍ഐടിയുടെ വക്കീല്‍നോട്ടീസിന് മറുപടി നല്‍കിയെന്നും അദ്ദേഹം പറഞ്ഞു.
Read more
ടെൻഡറിൽ എസ് ആർ ഐ ടി മറ്റു രണ്ടു കമ്പനികളുമായി ചേർന്ന് മത്സരിച്ചു. പിന്നീട് വൻ തുകക്ക് ടെൻഡർ നേടി. എല്ലാ നിബന്ധനകളും ആട്ടിമറിച്ചാണ് ഉപകരാര്‍ കൊടുത്തത്. പ്രസാദിയോ ആണ് കാര്യങ്ങൾ നടത്തുന്നത്. കേട്ടു കേൾവി ഇല്ലാത്ത കാര്യങ്ങൾ നടക്കുന്നു. കർണാടകയിൽ 40ശതമാനമാണ് സർക്കാർ പദ്ധതികളില്‍ കമ്മീഷനെങ്കില്‍ കേരളത്തിലെ എഐ കാമറ ഇടപാടില്‍ അത് 65 ആണെന്നും സതീശൻ കുറ്റപ്പെടുത്തി.
