സനാതന ധര്‍മ്മത്തെ ആര്‍ക്കും നശിപ്പിക്കാനാവില്ലെന്നും അതിന് ശ്രമിക്കുന്നവര്‍ ബാലാജി ഭഗവാന്റെ പാദങ്ങളില്‍ നിന്നും അവര്‍ തുടച്ചുനീക്കപ്പെടുമെന്നുമുള്ള ആന്ധ്ര ഉപമുഖ്യമന്ത്രി പവന്‍ കല്യാണിന്റെ പ്രസ്താവനയ്ക്ക് മറുപടിയുമായി തമിഴ്‌നാട് ഉപമുഖ്യമന്ത്രി ഉദയനിധി സ്റ്റാലിന്‍. കാത്തിരുന്ന് കാണാമെന്നായിരുന്നു ഉദയനിധി സ്റ്റാലിന്റെ മറുപടി.
സനാതന ധര്‍മ്മത്തെ കുറിച്ച് അഭിപ്രായം പറയരുതെന്ന പവന്‍ കല്യാണിന്റെ പരാമര്‍ശത്തോടായിരുന്നു ഉദയനിധിയുടെ മറുപടി. സനാതന ധര്‍മ്മം ഒരു വൈറസാണെന്നും അത് നശിപ്പിക്കപ്പെടുമെന്ന് ആരും പറയരുതെന്നും പവന്‍ പറഞ്ഞു. ഇത് ആര് പറഞ്ഞാലും സനാതന ധര്‍മ്മത്തെ ഒന്നും ചെയ്യാനാവില്ലെന്നും പവന്‍ കൂട്ടിച്ചേര്‍ത്തു.
Read more
നേരത്തെ സനാതന ധര്‍മ്മം കേവലം എതിര്‍ക്കപ്പെടേണ്ടതല്ല പൂര്‍ണമായും തുടച്ചുനീക്കം ചെയ്യേണ്ടതാണെന്ന് ഉദയനിധി സ്റ്റാലിന്‍ പറഞ്ഞിരുന്നു. സനാതന ധര്‍മ്മത്തെ ഡെങ്കി, മലേറിയ, കൊറോണ, തുടങ്ങിയ പകര്‍ച്ച വ്യാധികളോടായിരുന്നു ഉദയനിധി താരതമ്യം ചെയ്തത്. സനാതന ധര്‍മ്മം സാമൂഹിക നീതിയ്ക്ക് എതിരാണെന്നും ഉദയനിധി പറഞ്ഞിരുന്നു.
