മധ്യപ്രദേശിലെ ഇന്‍ഡോറില്‍ ഇരുനില കെട്ടിടത്തില്‍ വന്‍ തീപിടുത്തം. ഏഴ് പേര് വെന്തുമരിച്ചു. ഇന്ന് പുലര്‍ച്ചെയാണ് സംഭവം. ഒമ്പത് പേരെ രക്ഷപ്പെടുത്തി ആശുപത്രിയില്‍ പ്രവേശിപ്പിച്ചതായി സിറ്റി പൊലീസ് കമ്മിഷണര്‍ ഹരിനാരായണ ഛാരി മിശ്ര അറിയിച്ചു. ആശുപത്രിയില്‍ പ്രവേശിപ്പിച്ചവരില്‍ അഞ്ചു പേരുടെ നില ഗുരുതരമാണെന്നാണ് റിപ്പോര്‍ട്ടുകള്‍.
വിജയനഗറിലെ ജനവാസമേഖലയിലുള്ള കെട്ടിടത്തിലാണ് തീപിടുത്തമുണ്ടായത്. പാര്‍ക്കിംഗ് ഏരിയയിലാണ് ആദ്യം തീ പടര്‍ന്നത്. പിന്നീട് മുകളിലത്തെ നിലയിലേക്ക് വ്യാപിക്കുകയായിരുന്നു. പാര്‍ക്കിംഗില്‍ ഉണ്ടായിരുന്ന വാഹനങ്ങളെല്ലാം പൂര്‍ണമായും കത്തിനശിച്ചു. ഷോര്‍ട്ട് സര്‍ക്യൂട്ടാണ് അപകടത്തിന് കാരണമെന്നാണ് പ്രാഥമിക നിഗമനം.
മധ്യപ്രദേശ് മുഖ്യമന്ത്രി ശിവരാജ് സിങ് സംഭവത്തില്‍ അനുശോചനമറിയിച്ചു. അപകടത്തെ കുറിച്ച് അന്വേഷണം പുരോഗമിക്കുകയാണെന്ന് പൊലീസ് അറിയിച്ചു.
#UPDATE | Seven people died in the fire that broke out in a two-storey building in Indore, Madhya Pradesh: Indore Police Commissioner Harinarayana Chari Mishra to ANI
Latest visuals from the spot. pic.twitter.com/E6wXhytkl3
— ANI MP/CG/Rajasthan (@ANI_MP_CG_RJ) May 7, 2022
Read more
