കിടപ്പുമുറിയില്‍ ഒളികാമറ സ്ഥാപിച്ച് സ്വകാര്യദൃശ്യങ്ങള്‍ പകര്‍ത്തിയതായി യുവതിയുടെ പരാതി. വീട്ടുജോലിക്കാരനായ ശുംഭും കുമാര്‍ എന്ന യുവാവിനെതിരെയാണ് ഹരിയാന ഗുരുഗ്രാം സ്വദേശി യുവതി പരാതിപ്പെട്ടത്
ഏജന്‍സി വഴി ജോലിക്കെത്തിയതായിരുന്നു ശുംഭും കുമാര്‍ . യുവതിയുടെ വീട്ടില്‍ തന്നെയായിരുന്നു ഇയാള്‍ താമസിച്ചത്. അടുത്തിടെ വീട് വൃത്തിയാക്കുന്നതിനിടെയാണ് കിടപ്പുമുറിയിലെ കാമറ യുവതിയുടെ ശ്രദ്ധയില്‍പ്പെടുന്നത്. പരിശോധയില്‍ കാമറ സ്ഥാപിച്ചത് ശുംഭുംകുമാറാണെന്ന് മനസിലായ യുവതി ഏജന്‍സിയില്‍ വിളിച്ച് ഇയാളെ ജോലിയില്‍ നിന്നുംമാറ്റി. മാനഹാനി ഭയന്ന് ആദ്യം പൊലിസിനെ സമീപിച്ചില്ല.
Read more
എന്നാല്‍ വീട്ടില്‍നിന്ന് പറഞ്ഞുവിട്ട ശുംഭുംകുമാര്‍ ഫോണില്‍ വിളിച്ച് തന്റെ കൈവശം യുവതി വസ്ത്രം മാറുന്ന ദൃശ്യങ്ങളുണ്ടെന്നും. 2ലക്ഷം രൂപ തന്നില്ലെങ്കില്‍ ദൃശ്യങ്ങള്‍ സമൂഹ മാധ്യമങ്ങളിലൂടെ പ്രചരിപ്പിക്കുമെന്നും ഭീഷണിപ്പെടുത്തി. ഇതോടെ യുവതി പൊലീസില്‍ പരാതി നല്‍കുകയായിരുന്നു. ഐടി നിയമത്തിലെ വകുപ്പ് പ്രകാരം കേസെടുത്ത് അന്വേഷണം ആരംഭിച്ചതായും, പ്രതിയെ ഉടന്‍ അറസ്റ്റ് ചെയ്യുമെന്നും പൊലീസ് അറിയിച്ചു.
