ഞായറാഴ്ച രാജസ്ഥാൻ റോയൽസിനെ അഞ്ച് വിക്കറ്റിന് തോൽപ്പിച്ച് ചെന്നൈ സൂപ്പർ കിംഗ്‌സ് ഐപിഎൽ പ്ലേഓഫിൽ സ്ഥാനം നിലനിർത്തി. ശ്രദ്ധേയമായ വിജയത്തോടെ, ചെന്നൈ അവരുടെ ഹോം കാണികളോട് വിടപറയുകയും ചെപ്പോക്ക് സ്റ്റേഡിയത്തിൽ നടക്കുന്ന ഐപിഎൽ ഫൈനലിനായി മടങ്ങിവരുമെന്ന് വാഗ്ദാനം ചെയ്യുകയും ചെയ്തു.
രാജസ്ഥാൻ ഉയർത്തിയ താരതമ്യേന ചെറിയ സ്കോർ പിന്തുടരാൻ ചെന്നൈക്ക് അവസാനം വരെ കാത്തിരിക്കേണ്ടി വന്നിരുന്നു. ഋതുരാജ് 41 പന്തിൽ 42 റൺസ് എടുത്ത് ചെന്നൈ വിജയത്തിൽ നിർണായക പങ്ക് വഹിച്ചു. ബുദ്ധിമുട്ടേറിയ പിച്ച് ആയതുകൊണ്ട് തന്നെ ചെന്നൈ ബാറ്റർമാർ വളരെ സൂക്ഷിച്ചാണ് കളിച്ചത്.
മികച്ച തുടക്കമാണ് ലഭിച്ചതെങ്കിലും ഇടയ്ക്കിടെ വിക്കറ്റുകൾ വീണപ്പോൾ ചെന്നൈക്ക് ശരിക്കും കാര്യങ്ങൾ ബുദ്ധിമുട്ടായി. എന്നിരുന്നാലും, അവർ ലക്ഷ്യത്തിലെത്തുമെന്ന് ഉറപ്പാക്കിയത് സിഎസ്‌കെ ക്യാപ്റ്റൻ ആയിരുന്നു. രചിൻ രവീന്ദ്രയുമായുള്ള കൂട്ടുകെട്ടിൽ ഓപ്പണർക്ക് കാര്യമായ സ്വാധീനം ചെലുത്താൻ സാധിച്ചില്ലെന്ന് ചൂണ്ടിക്കാട്ടി മുൻ ഇന്ത്യൻ താരം ആകാശ് ചോപ്ര ഋതുരാജിനോടുള്ള അതൃപ്തി പരസ്യമാക്കി.
“ചെന്നൈ നേരത്തെ കളി ജയിക്കേണ്ടത് ആയിരുന്നു. അജിങ്ക്യ രഹാനെയെക്ക് പകരം രച്ചിൻ രവീന്ദ്ര ടീമിൽ എത്തിയ തീരുമാനം വളരെ നല്ലതായിരുന്നു. ആദ്യം, ഇത് ഒരു RR വേഴ്സസ് RR മത്സരമായി കാണപ്പെട്ടു.” ചോപ്ര പറഞ്ഞു.
“മറുവശത്ത്, റുതുരാജ് ഗെയ്‌ക്‌വാദ് ഒന്നും ചെയ്യാനാകാതെ ഒരുവശത്ത് നിന്നു. എതിർവശത്ത് നിന്ന് നോക്കുമ്പോൾ റച്ചിൻ ഫോറും സിക്സും പറത്തിക്കൊണ്ടിരുന്നു. രചിൻ രവീന്ദ്ര പുറത്താകുന്നത് വരെ ആർആർ Vs ആർആർ കളിയായിരുന്നു. ഋതുരാജ് കൂടി കളി വേഗത്തിലാക്കണം” ചോപ്ര അവകാശപ്പെട്ടു.
Read more
പ്ലേ ഓഫ് സാധ്യത നിലനിർത്താൻ, CSK അവരുടെ അവസാന മത്സരത്തിൽ റോയൽ ചലഞ്ചേഴ്സ് ബെംഗളൂരുവിനെ പരാജയപ്പെടുത്തണം.
